سعودی عرب کی حکومت نے اعلان کیا کہ ان تمام غير ملکی سیاحوں کو يکم اگست سے سعودی عرب ميں داخلے کی اجازت ہے، جنہوں نے کورونا وائرس کے خلاف ویکسین کی دونوں خوراکیں لے لی ہيں۔ تاہم اس کے لیے ایک شرط رکھی گئی ہے کہ صرف سعودی حکومت کی منظور شدہ ویکسین کو تسلیم کیا جائے گا،
اس فہرست میں فائزر، ايسٹرا زینیکا، موڈیرنا اور جانسن اینڈ جانسن کی نام شامل ہیں۔ عمرہ کرنے پر جو پابندیاں عائد کی گئی تھیں اسے فی الحال ختم نہيں کيا گيا۔ کورونا کی وبا کی وجہ سے ملک میں گزشتہ تقریباً ڈیڑھ برس سے سیاحوں کے داخلے پر مکمل پابندی تھی۔