Last Updated on September 11, 2021 12:51 pm by INDIAN AWAAZ
اقوام متحدہ کے سیکرٹری جنرل انٹونیو گوٹیرش نے اس عالمی ادارے کی فعالیت کو مزید بہتر بنانے اور عالمی تعاون میں مزید بہتری کی خاطر نئے منصوبہ جات پیش کر دیے ہیں۔ گوٹیرش کے مطابق یہ دنیا ماضی کے مقابلے میں زیادہ خطرناک اور غیرمحفوظ ہو چکی ہے، اس لیے اس عالمی ادارے میں اصلاحات ناگزیر ہیں تاکہ مستقبل کے خطرات سے نمٹنے کی خاطر عالمی سطح پر زیادہ تعاون ممکن بنایا جا سکے۔ انہوں نے اس حوالے سے اقوام متحدہ کی جنرل اسمبلی میں ایک تاریخی رپورٹ جمع کرائی ہے، جس پر جلد ہی بحث متوقع ہے۔