بھارت نے قطر میں آٹھ بھارتی باشندوں کیلئے سزائے موت سنائے جانے پر گہرے دُکھ کا اظہار کیا ہے

ہندوستان نے الدہرہ کمپنی کے آٹھ ہندوستانی ملازمین کے معاملے میں سزائے موت کے فیصلے پر گہرے صدمے کا اظہار کیا ہے۔ وزارت خارجہ نے ایک بیان میں کہا کہ ابتدائی اطلاعات ہیں کہ قطر کی عدالت نے آج فیصلہ سنایا ہے اور تفصیلی فیصلے کا انتظار کیا جا رہا ہے۔ وزارت خاندان کے ارکان اور قانونی ٹیم کے ساتھ رابطے میں ہے، اور تمام قانونی آپشنز تلاش کیے جا رہے ہیں۔

وزارت خارجہ نے کہا کہ وہ اس کیس کو بہت اہمیت دیتی ہے اور اس کی قریب سے پیروی کر رہی ہے۔ وزارت تمام قونصلر اور قانونی مدد جاری رکھے گی اور یہ معاملہ قطری حکام کے ساتھ بھی اٹھائے گی۔

ان آٹھ ہندوستانی شہریوں کو گزشتہ سال 30 اگست کو قطر میں حراست میں لیا گیا تھا۔