Aadaraniye Modijee,
Main pooree vinamrata se aapaka dhyaan aapake grh raajy gujaraat mein ahamadaabaad se 360 kilomeetar door una mein ghatit huee us durbhaagyapoorn ghatana kee or le jaana chaahoonga jisake baare mein sansad mein khade hokar grhamantree shree raajanaath sinh jee ne kaha ki aapako is ghatana se gahara duhkh pahuncha hai |
Jee haan, main usee ghatana kee baat kar raha hoon jisamen chamada udyog se jude chaar dalit yuvakon ko berahamee se sareaam buree tarah se sirph iseelie peeta gaya kyonki unhonne apanee aajeevika ke lie maree huee gaayon ke khaal ko utaara tha. yah jo gau-seva aur gau raksha ke naam par kukuramutton kee tarah jagah-jagah hinsak tathaakathit gau-rakshak dal ityaadi panap rahe hain, is aag ke peechhe sabase bada haath aareses aur aapaka hee hai | pahale lokasabha chunaav aur haal hee mein hue bihaar vidhaanasabha chunaavon mein jis gair jimmedaaree se pink revolushan, gau maans, gaay paalane vaale aur gaay khaane vaale aadi gair jarooree baaton par samaaj todane vaale bhadakaoo bhaashan die gaye the, unheen ka yah asar hai kee aaj kisaan khareed kar gaayon ko gaadee mein laadakar le jaane se bhee darata hai. jaane raaste mein kaun unhen gau raksha ke naam par gher kar peet de ya jaan hee le le .
aapane to logon ko baantakar, jahar ropakar voton kee khoob khetee kee aur jo chaahate the vo ban gae. par aapaka boya jahar rah-rah jaativaadee aur saampradaayik saanp ka roop dhar, samay-samay par unmaadee phan uthaata hai aur desh kee shaanti aur sauhaard ko das kar chala jaata hai. mujhe atyant duhkh hai ki mujhe apane desh ke pradhaanamantree ko yah bataana pad raha hai ki yah aag aapakee hee lagaee huee hai.
is aag mein bhasm hokar jo gaupaalak, kisaan bandhu, dalit, aadivaasee aur alpasankhyak mar rahe hain, usake doshee sirph aap, aapakee paartee aur aapakee asahishnu vichaaradhaara kee jananee sangh hai.
Agar aaj main aapako kathaghare mein khada nahin karoonga to mere andar ka gau-paalak mujhe kabhee maaf nahin karega. pure desh samet videshee meediya bhee jaanata tha ki hindustaan mein zameen evan gareebon se juda ek janasevak hai laaloo yaadav jo lutayens dillee ke bangale evan mukhyamantree aavaas mein bhee gau-maata rakhata hai. mere dvaara dillee ke bangale mein gaay rakhane par mujhe jaativaadiyon dvaara gvaala aur gvaar kaha gaya. main dikhaane ke lie gaay nahin rakhata, jab kuchh nahin the tab bhee gaay rakhate the aur aaj bhee rakhate hai. aaj bhee shaayad milaakar beejepee ke sabhee netaon ke paas itanee gaayen nahin hongee jitanee hamaare aavaas evan khataal (gaushaala) mein hai.
Gaay ke naam par logon ko baantane vaale netaon ka gau-seva se kya sarokaar? aapake jambo mantrimandal ke 78 mantree lutayens dillee ke bade-bade bangalon mein rahate hain. kitanon ne apane bheemakaay bangalon mein gaen paalee huee hain ? kutte jarur paal rakhe honge . par gaayon ke naam par naak-bhaun sikodenge kyonki unaka tathaakathit chlass chonchiousnaiss unhen isakee anumati nahin dega ! bihaar mein aapane gau-prem par sabhaon mein bade-bade lekchar aur akhabaaron mein karodon ke ishtehaar die the |
Modeejee, agar sachamuch aap gau prem karate hain to aap apane har mantree ke lie niyam banaie ki har koee apane bangalon mein gaay paalega, khud apane haathon se unakee dekhabhaal karega ,unhen nahalaega, khilaega aur mrtyu hone par unaka vidhivat antim sanskaar bhee karega | taaki mrt gaayon ko unake bangalon se le jaate vakt aap hee ke kaaryakarta un daliton ya pichhadon kee hatya na kar de.
Una kee ghatana apane aap mein koee anokhee ya ekamaatr ghatana nahin hai, aae din yah paagalapan desh ke kisee na kisee kone mein apana nanga naach dikhaata hai aur aap doosaree or munh pher lete hain. aap log to vot kee raajaneeti karake chale jaate hain par gareeb isaka bhugataan apanee aay, khushiyon, sambhaavanaon aur jeevan se karate hain. gau-raksha ke naam par manuvaadee isaka prayog apane haathon se dheere-dheere khisakate nirankushata ko punah hathiyaane ke lie karate hain, dalit pichhadon ko unakee jagah dikhaane ke lie karate hain | desh bhar mein gaen sadakon ke kinaare kachara khaatee hain, par koee gaay premee use do rotiyaan nahin khilaega | bhookh,pyaas, garmee, beemaaree se ye gaen dam tod detee hain par koee gau rakshak isakee sudh lene nahin aaega | par gau maans par kisee akhalaaq kee hatya karane ko poora gaanv hee nahin, aasapaas ke gaanv ke bhaajapa kaaryakarta bhee jut jaate hain | theek usee tarah gaay par raajaneeti karane chunaavon mein aap log jut jaate hain .
Ab sangh aur bhaajapa ka yah svaang band hona chaahie | ab desh ko yah bardaasht nahin hai ki kisee maan bhaaratee ke santaan rohit vemula kee sansthaagat hatya par pradhaanamantree ka marm ek haphte baad jaage. desh ke dalit aur pichhade sangh kee thopee huee aachaar sanhita ko maanane se inkaar karate hain | apane virodh aur pradarshan se daliton ne gujaraat kee sarakaar ko apane mahatv ka aabhaas karaaya hai, samaaj ko aaina dikhaaya hai aur apane andar pal rahe katuta ka ek jhalak maatr dikhaaya hai .
Pradhaanamantree jee, braahmanavaadee aur manuvaadee maanasikata ko pichhale daravaaze se ham dalit, pichhade aur aadivaasiyon par punah laadane ka prayaas band keejie, varana isaka parinaam desh ke lie vidhvansak hoga | desh ka bahusankhyak varg desh mein hajaaron saal tak chalane vaale kaale saamaajik dhaanche kee punaraavrttee kisee keemat par hone nahin dega | sangh ke mohan bhaagavat jaise vishailee raajaneeti karane vaalon ke lie meree ek hee chetaavanee hai – cheten athava apana kunaba sameten !
AAPKA
LALU PRASAD YADAV
PATNA