شامی صدر بشار الاسد نے کہا ہے کہ اگر شامی عوام ایسا چاہیں تو وہ قبل از وقت صدارتی انتخابات کروانے کے لیے تیار ہیں۔ دمشق حکومت کی جانب سے عربی زبان میں فراہم کی جانے والی عبارت کے مطابق بشار الاسد نے روس کی سرکاری نیوز ایجنسی آر آئی اے نوووستی کو بتایا کہ اگر عوام قبل از وقت صدارتی انتخابات کے حامی ہیں تو اُنہیں یہ الیکشن کروانے میں کوئی مسئلہ نہیں ہے۔ بشار الاسد کی موجودہ سات سالہ مدتِ صدارت کہیں 2021ء میں اختتام کو پہنچے گی تاہم عالمی طاقتیں اقوام متحدہ کی ثالثی میں جو امن عمل جاری رکھے ہوئے ہیں، اُس میں اٹھارہ ماہ کے اندر اندر پارلیمانی اور صدارتی انتخابات کا ذکر کیا گیا ہے۔
The Real Voice of India