امور خارجہ کی وزارت نے آج زور دے کر کہا ہے کہ کنیڈا میں بھارت مخالف عناصر کے ذریعے اظہار اور تقریر کی آزادی کا غلط استعمال کیا جا رہا ہے۔ آج سہ پہر نئی دلی میں میڈیا سے بات کرتے ہوئے وزارت خارجہ کے ترجمان ارندم باگچی نے کہا کہ بھارت اُن پوسٹرس کی سختی کے ساتھ مذمت کرتا ہے جن میں بھارتی سفارت کاروں اور بھارتی عمارتوں کے خلاف تشدد اُکسانے کی بات کی گئی ہے۔ انہوں نے اِس معاملے کو ناقابل قبول قرار دیا اور کہا کہ اِس معاملے کو نئی دلی اور OTTAWA دونوں ہی جگہ کنیڈا کے حکام کے ساتھ سختی سے اُٹھایا گیا۔انہوں نے کہا کہ بھارت نے کنیڈا کی حکومت سے صاف طور سے کہہ دیا ہے کہ وہ کنیڈا میں بھارتی سفارت کاروں کے تحفظ اور بھارتی مشنوں کی سلامتی کو یقینی بنانے کے لیے تمام اقدامات کرے۔ جناب باگچی نے کہا کہ معاملہ اظہار کی آزادی کا نہیں ہے بلکہ علیحدگی پسندی کا پروپیگینڈا کرنے کے لیے تشدد اور دہشت گردی کو قابل جواز قرار دینے کی حمایت کرنے کی غرض سے اِس کے غلط استعمال کا ہے