FreeCurrencyRates.com

इंडियन आवाज़     29 Feb 2020 08:42:34      انڈین آواز

دہلی میں منائی گئی گل بوٹے ممبئی کی سلور جبلی

نئی دہلی

ماہنامہ گل بوٹے ممبئی کی سلور جبلی تقریبات کا آعاز شاندار طریقے سے دہلی میں ہوا. افتتاحی تقریب ایوان غالب میں منعقد ہوئی. اس میں دہلی حکومت کی جانب سے ریاستی وزیر عمران حسین، عام آدمی پارٹی کے ترجمان دلیپ پانڈے، رکن اسمبلی حاجی اشراق نے شرکت کی. پروفیسر اختر الواسع نے کلیدی خطبہ پیش کرتے ہوئے گل بوٹے کے مدیر فاروق سید کی جانب اشارہ کرتے ہوئے کہا کہ” ہماری باتیں ہی باتیں ہیں سید کام کرتا ہے.” انہوں نے کہا کہ فاروق سید دہلی والوں کے لیے تازیانہ بن کر آئے ہیں، دہلی جو ایک زمانے سے اردو سمیت تمام اہم زبانوں کا مرکز رہا ہے اسے اردو کی بدحالی کا آئینہ دکھانے ممبئی سے آئے ہیں، پروفیسر اختر الواسع نے دہلی حکومت کی تعریف کرتے ہوئے کہا کہ سرکار تعلیم کے میدان میں بہت اچھا کام کر رہی ہے کاش تھوڑی توجہ اردو کی جانب بھی ہوجاتی تو اردو میڈیم اسکولوں کو اردو نصاب کی کتابیں وقت پر مل جاتیں، انہوں نے اس کے لیے این سی ای آر ٹی کو بھی ذمہ دار ٹھہرایا.

گل بوٹے کے ایڈیٹر فاروق سید نے اپنے ادارہ کا تعارف کراتے ہوئے کہا کہ ماہنامہ گل بوٹے پچھلے پچیس برسوں سے اردو کی خدمت کر رہا ہے لیکن مجھے اس بات کا شدید احساس ہے کہ بڑے بڑے ادبا و شعراء بچوں کے ادیبوں کو نظر انداز کر رہے ہیں ۔اسی احساس کو دورکرنے کے لیے میں نے گل بوٹے کی سلور جبلی تقریبات دہلی میں کرنے کا فیصلہ کیا ہمارا ادارہ ملک بھر سے آئے ہوئے تقریباً بچوں کے٢٠٠ ادیبوں کی چار روز تک خدمت کرے گا، انہوں نے اردو اداروں سے بچوں کے ادیبوں کو خصوصی ایوارڈ دینے کا مطالبہ کیا.

افتتاحی تقریب میں ملک کی کئی ریاستوں کے اردو اکیڈمیز کے چیئرمین اور دیگر عہدہ داران نے شرکت کی. ان میں تلنگانہ اردو اکیڈمی کے چیئرمین محمد رحیم الدین انصاری، کرناٹک اردو اکیڈمی کے سابق چیئرمین حافظ کرناٹکی، اردو ڈائریکٹوریٹ کے ڈائریکٹر امتیاز احمد کریمی، فخرالدین علی احمد میموریل کمیٹی کے چئیرمین پروفیسر عارف ایوبی، دہلی اردو اکیڈمی کے چئیرمین پروفیسر شہپر رسول، اور دنیا کے معروف ہیئر اسٹالسٹ جاوید حبیب نے ادب اطفال کے حوالے سے اپنے خیالات پیش کئے.
ممبئی سے آئے ماہر تعلیم غلام پیش امام نے کہا کہ بچوں کو ان کے مادری زبان میں ہی سب سے بہتر تعلیم دی جاسکتی ہے. اردو والوں کو بچوں کی ابتدائی تعلیم اردو میں دلانے پر خاص طور پر توجہ دینی چاہیے. سلور جبلی تقریبات میں خاص طور پر شرکت کے لئے قطر سے آئے مشہور محب اردو و تاجر حسن چوگلے نے کہا کہ گل بوٹے نے پچیس سال مسلسل رسالہ شائع کرکے ایک ایسی مثال بنائی ہے جس کی ماضی قریب میں نظیر ملنا مشکل ہے. انہوں نے اردو کے لیے باتیں کرنے کے بجائے کام کرنے پر زور دیا.

اس چار روزہ عالمی کانفرنس میں آٹھ ملکوں کے ادیب شرکت کر رہے ہیں جس میں پروفیسر ادریس صدیقی کناڈا، ڈاکٹر فرزانہ اعظم لطفی ایران، پروفیسر عبدالخالق رشید افغانستان، عبدالقاسم علی محمد ماریشش، فہیم اختر لندن اور عادل فہیم دبئی ہیں.

کانفرنس میں گل بوٹے کے ایڈیٹر فاروق سید کو دوشالہ پیش کرکے اعزاز پیش کیا گیا ان کے علاوہ باہر سے آنے والے مہمانوں کو گل بوٹے سلور جبلی تقریبات کا میمنٹو پیش کیا گیا. کانفرنس کے انعقاد میں ادب اطفال سوسائٹی کے سکریٹری سراج عظیم، اور ہمالہ ڈرگس کے مالک سید فاروق، ایڈووکیٹ خلیل الرحمٰن، آٓصف اعظمی، ڈاکٹر اطہر فاروقی، شبیہ احمد، ڈاکٹر رضا حیدر اور ڈاکٹر رضا وارثی، عرفان علی، شہزاد اختر اور امیر حمزہ اور ممبئی سے آئی گل بوٹے کی ٹیم نے اہم کردار ادا کیا.
چار روزہ عالمی کانفرنس کے دوسرے دن چوبیس ستمبر بروز منگل کو جامعہ ملیہ اسلامیہ دہلی میں ادب اطفال سمت و رفتار کے موضوع پر سمینار کا آغاز ہوگا جس میں ملک بھر سے آئے ہوئے بچوں کے ادیب اپنے مقالات پیش کریں گے. اس موقع پر گل بوٹے کی جانب سے بچوں کے ادیبوں کی پچیس نادر و کمیاب کتابیں جو گل بوٹے کی جانب سے شائع کی گئی ہیں ان کا اجراء عمل میں آیا. اسی طریقے سے پچیس ستمبر کو دہلی یونیورسٹی اور چھبیس کو جواہر لال نہرو یونیورسٹی میں سمینار کا انعقاد عمل میں آئے گا.پروگرام کے اختتام پر ملک بھر سے آئے ادیبوں کو دہلی درشن کرایا جائے گا۔

Leave a Reply

Your email address will not be published. Required fields are marked *

Ad

SPORTS

Badminton; Tasnim Mir, Treesa in 3rd round at Dutch Junior International

HSB/ New Delhi India No. 1 Tasnim Mir and rising star Treesa Jolly notched up convincing victories to enter ...

Martial Arts; Ritu Phogat continues to be unbeaten as she dominates her second bout at ONE Championship

HSB/ Singapore Champion wrestler-turned-Mixed Martial Arts (MMA) fighter Ritu Phogat continued to dominate ...

KIUG: Harmilan Bains lowers PU Chitra’s 1500m record as Punjabi University rise in medal charts

HSB/ Bhubaneswar Punjabi University’s Harmilan Kaur Bains improved upon PU Chitra’s All-India Universit ...

ART & CULTURE

V P asks people to conserve linguistic heritage of India

"Studies by the experts suggest that teaching in mother tongue at the initial stages of education gives impetu ...

Hindi is 3rd most spoken language in the world

615 million speaks the language after English, Mandarin AMN Hindi is the 3rd most spoken language o ...

Ad

MARQUEE

India, Maldives sign MoUs for establishing Tourism zone 

AMN India and Maldives today signed five MoUs for establishing the Addu Tourism zone in five islands of Add ...

IRCTC to operate Golden Chariot luxury train from March 2020

AMN The Indian Railway Catering And Tourism Corporation, IRCTC, will operate and manage luxury train, Golden ...

CINEMA /TV/ ART

Documentary on missing Assamese poet to be screened in Paris

By Utpal Borpujari / New Delhi In what’s going to be a special moment for cinema from Assam, an experimen ...

Filmi Tidbits: Deepika ready for her role in ’83 ; Tabu in Bhool Bhulaiyaa 2

Photo From Deepika Twitter Entertainment Desk Real-life couple Ranveer Singh and Deepika Padukone will ...

Ad

@Powered By: Logicsart

Do NOT follow this link or you will be banned from the site!