ایلون مسک کی کمپنی نے چیٹ بوٹ کے نئے ماڈل گروک 3 کو ریلیز کیا ہے۔یہ اے آئی چیٹ بوٹ نہ صرف تصاویر کا جائزہ لے سکتا ہے بلکہ سوالوں کے جوابات بھی دے سکتا ہے۔گروک 3 کو اس سے قبل آنے والے گروک 2 کے مقابلے میں ’10 گنا’ زیادہ کمپیوٹنگ پاور کے ساتھ تیار کیا گیا ہے ایکس اے آئی کی جانب سے اس ماڈل کی ریلیز کا اعلان کیا گیا۔ اس موقع پر ایلون مسک اور ان کی ٹیم کے اراکین نے لائیو اسٹریمنگ کے دوران مختلف ڈیموز بھی کیے۔گروک چیٹ بوٹ ایآئی کمپنی اوپن اے آئی کے چیٹ جی پی -4o اور گوگل کے جیمینائی جیسے اے آئی ماڈلز کے مدِ مقابل کے طور پر سامنے آیا ہے۔ یہ اے آئی چیٹ بوٹ نہ صرف تصاویر کا جائزہ لے سکتا ہے بلکہ سوالوں کے جوابات بھی دے سکتا ہے۔واضح رہے کہ ایلون مسک کی جانب سے 2023 میں ایکس اے آئی کی بنیاد رکھی گئی تھی۔اس سے قبل 2015 میں مسک نے سیم آلٹمین کے ساتھ مل کر ایک غیر منافع بخش ادارے کے طور پر ‘اوپن اے آئی’ کی بنیاد رکھی تھی۔ لیکن کمپنی کے عروج سے قبل ہی مسک اس سے الگ ہوگئے تھے۔ٹیکنالوجی کی خبریں فراہم کرنے والی ویب سائٹ ‘ٹیک کرنچ’ کے مطابق ایکس اے آئی نے ‘گروک 3’ کی ٹریننگ کے لیے امریکی شہر میمفس میں موجود ایک بڑے ڈیٹا سینٹر کا استعمال کیا ہے جس میں لگ بھگ دو لاکھ ‘گرافک پروسیسرز یونٹس ‘جی پی یوز’ موجود ہیں۔ایلون مسک نے ایک ‘ایکس’ پوسٹ میں دعویٰ کیا ہے کہ گروک 3 کو اس سے قبل آنے والے گروک 2 کے مقابلے میں ’10 گنا’ زیادہ کمپیوٹنگ پاور کے ساتھ تیار کیا گیا ہے۔ اس کے لیے ایک وسیع ڈیٹا سیٹ کا استعمال کیا گیا ہے۔مسک نے ایک لائیو اسٹریم پریزنٹیشن کے دوران کہا کہ گروک 3 کی صلاحیت گروک 2 کے مقابلے میں بہت زیادہ ہے۔ ان کے بقول یہ زیادہ سے زیادہ سچائی تلاش کرنے والا اے آئی ہے۔ایلون مسک کا کہنا ہے کہ ہم تخلیقی صلاحیتوں کے آغاز کو دیکھ رہے ہیں۔
اس سے قبل ایلون مسک نے اپنے اس اے آئی چیٹ بوٹ کو ذہین ترین قرار دیا تھا۔لائیو اسٹریمنگ کے دوران گروک 3 کا ڈیمو کرتے ہوئے مسک اور ان کے ساتھیوں نے اے آئی چیٹ بوٹ کو فزکس کا مسئلہ حل کرنے اور ایک پزل گیم بنانے کا ٹاسک بھی دیا۔ایلون مسک کا کہنا تھا کہ انہوں نے گیم کھیلا ہے اور یہ بہت اچھا ہے۔ایکس اے آئی کے مطابق گروک 3 کے ابتدائی ورژن نے چیٹ بوٹ ارینا پر بھی اچھا اسکور کیا ہے۔چیٹ بوٹ ارینا ایک عوامی ٹیسٹ ہے جس میں مختلف اے آئی ماڈلز کا ایک دوسرے سے مقابلہ ہوتا ہے اور صارفین اپنے متعلقہ جوابات پر ووٹ دیتے ہیں۔رپورٹ کے مطابق گروک 3 فیملی کے دو ماڈلز گروک 3 ریزننگ اور گروک 3 منی ریزننگ کسی مطلوب معلومات پر اچھی طرح سے سوچ سمجھ کر جواب دے سکتے ہیں۔ یہ اسی طریقے سے کام کرتا ہے جیسے اوپن اے آئی کا او تھری منی اور چینی اے آئی کمپنی ڈیپ سیک کے آر ون ‘ریزننگ’ ماڈل کرتے ہیں۔ریزننگ ماڈلز ایسے ماڈل کو کہتے ہیں جو نتائج دینے سے قبل خود سے فیکٹ چیک یعنی حقائق کی جانچ کی کوشش کرتے ہیں۔ایکس اے آئی کا دعویٰ ہے کہ گروک 3 ریزننگ نے او تھری منی کے بہترین ورژن او تھری منی ہائی کو کئی مشہور بینچ مارکس پر پیچھے چھوڑ دیا ہے۔ایکس اے آئی کا کہنا ہے گروک 3 کے ریزننگ ماڈل ابھی بیٹا موڈ میں ہے اور اس کی ٹریننگ جاری ہے۔صارفین گروک ایپ کے ذریعے ریزننگ ماڈلز تک رسائی حاصل کرسکتے ہیں۔ ایکس اے آئی کے مطابق ریاضی،
گروک 3 کے علاوہ اس کا ایک چھوٹا ورژن گروک 3 منی بھی ہے۔ گروک 3 فیملی کے تمام ماڈل اور اس سے متعلقہ فیچرز میں سے کچھ ابھی بیٹا ورژن میں موجود ہیں۔
………۲
ایپل کا نیا آئی فون کو ’16 ای
ایپل نے طویل عرصے بعد ایک کم قیمت آئی فون لانچ کیا ہے جس کے کچھ فیچرز آئی فون 16 سیریز کی طرح ہیں۔ آئی
فون ایس ای لائن اپ سال 2016 سے 2022 کے درمیان لانچ کی گئی تھی۔کمپنی نے تین سال قبل اپنا آخری اسپیشل ایڈیشن آئی فون ‘ایس ای تھرڈ جنریشن’ لانچ کیا تھا جو ایک کم قیمت آئی فون تھا۔ایپل نے نئے آئی فون کو ’16 ای’ کا نام دیا ہے۔نئے آئی فون 16 ای میں ایپل نے کیا فیچرز شامل کیے ہیں؟ آئیے جانتے ہیں۔آئی فون 16 کی لائن اپ کی طرح اس کم قیمت آئی فون 16 ای میں بھی ایپل انٹیلی جینس کا فیچر شامل کیا ہے۔اس فیچر میں آرٹیفیشل انٹیلی جینس کی مدد سے ٹیکسٹ کا خلاصہ، امیج جنریشن جیسے بہت سے کام باآسانی کیے جا سکتے ہیں۔آئی فون 16 ای کا اسکرین سائز بھی اپ گریڈ کیا گیا ہے اور اس میں تھرڈ جنریشن ایس ای ماڈل کے 4.7 انچ کے مقابلے میں 6.1 انچ کی اسکرین موجود ہے۔کمپنی کے مطابق نئے آئی فون میں بڑی اور طاقت ور بیٹری لگائی گئی ہے جس میں 26 گھنٹے تک ویڈیو پلے بیک کی جا سکتی ہے۔آئی فون 16 ای میں کمپنی نیفرنٹ پر نوچ ڈیزائن دیا ہے جو آئی فون 16 لائن اپ کے بجائے 13 سیریز کی طرح ہے۔لیکن کمپنی نے اس میں فیس آئی ڈی کا فیچر شامل کیا ہے۔طاقت ور چپ اور کیمرہ۔نئے موبائل میں آئی فون 16 کی طرح ایپل نے اے 18 چپ استعمال کی ہے جو اسے دیگر کم قیمت فونز کے مقابلے میں طاقت ور بناتی ہے۔ایپل کا کہنا ہے کہ آئی فون 16 ای تھرڈ جنریشن آئی فون ایس ای سے 40 فی صد جب کہ آئی فون 11 سے 80 فی صد زیادہ تیز ہے۔۔