فیصد برطانوی یورپی یونین میں رہنے کے حق میں 38

38 فیصد برطانوی شہری اس بات کے حق میں ہیں کہ برطانیہ کو یورپی یونین کا حصہ رہنا چاہیے جبکہ یورپی یونین سے اخراج کے حق میں برطانوی ووٹرز کی تعداد 34 فیصد ہے۔ یہ بات TNS کی طرف سے کرائے جانے والے ایک جائزے سے معلوم ہوئی ہے جس کے نتائج آج بدھ کے روز شائع کیے گئے۔ یورپی یونین میں رہنے یا اس سے نکل جانے کے سوال پر برطانیہ میں ایک عوامی ریفرنڈم 23 جون کو منعقد ہونا ہے۔ اس جائزے میں 1198 ووٹرز کی رائے لی گئی۔ اس آن لائن سروے کے مطابق 28 فیصد برطانوی رائے دہندگان ابھی تک اپنی کوئی حتمی رائے قائم نہیں کر پائے۔