امریکی صدر اوباما کی سعودی شاہ سلمان سے ملاقات

امریکی صدر باراک اوباما نے بدھ کے روز ریاض میں سعودی شاہ سلمان سے ملاقات کی۔ اس ملاقات میں دونوں رہنماؤں کے درمیان سعودی عرب کی سلامتی کو ایران اور اسلامک اسٹیٹ سے لاحق خطرات پر بات چیت کی گئی۔ عہدہ صدارت سنبھالنے کے بعد اوباما کا سعودی عرب کا یہ چوتھا اور غالباﹰ آخری دورہ ہے۔ اپنے اس دورے میں صدر اوباما خلیجی ممالک کو یہ یقینی دہانی کرانے کی کوشش کر رہے ہیں کہ واشنگٹن انتظامیہ ان کی سلامتی پر کوئی سمجھوتہ نہیں کرے گی۔