اسلامیہ ہائی اسکول شیخ پورہ سے تعلق رکھنے والے محمد رومان اشرف نے بہار بورڈ 10ویں کے امتحان میں 500 میں سے سب سے زیادہ 489 نمبر لے کر ٹاپ کیا ہے۔ اس نے 97.8 فیصد نمبر حاصل کیے ہیں۔
شیخ پورہ کے محمد رومان اشرف نے میٹرک میں پوری ریاست بہار میں ٹاپ کیا ۔ رومان اشرف اسلامیہ اسکول شیخ پورہ کے طالب علم ہیں۔ انہوں نے 489 نمبر پائے ہیں۔ رومان اشرف نے 500 میں سے 489 نمبر حاصل کیے ہیں۔ رومان اشرف فوج میں افسر بن کر ملک کی خدمت کرتے دیکھنا چاہتے ہیں۔ رومان نے اپنے والد کے خواب کو پورا کرنے کے لیے نیشنل ڈیفنس اکیڈمی کے امتحان کی تیاری بھی شروع کر دی ہے۔
رومان نے بتایا کہ وہ اپنے والدین کے ساتھ ساتھ اسکول کے اساتذہ کے ساتھ ساتھ گھر پر بھی امتحان کی تیاری کے لیے خود مطالعہ کرتا تھا۔ ان کے والد نجیب الرحمٰن شیخ پورہ کے شہری علاقے کے احیا پور میں واقع سرکاری پرائمری اسکول میں بطور استاد تعینات ہیں۔ رومان اصل میں گاؤں چیوارہ کے رہنے والے ہیں۔
رومان کو ہر طرف سے مبارک بعد کے پیغام آ رہے ہیں
رومان کا کہنا ہے کہ وہ روزانہ 5 سے 6 گھنٹے خود مطالعہ کرتا ہے۔ اس کے لیے وہ انٹرنیٹ بھی استعمال کرتا ہے۔ اپنی کامیابی کی کہانی کے ساتھ رومان نے دوسروں کو کامیابی کا منتر بھی دیا اور کہا کہ بچوں کو ہمیشہ خود مطالعہ پر زیادہ توجہ دینی چاہیے۔ رومان اشرف کے والد اسے آرمی آفیسر بنانا چاہتے ہیں
بہار حکومت کے وزیر تعلیم نے کہاہے کہ 31 مارچ کو پچھلے سال طرح اس بار بھی نتیجہ کا اعلان کیا گیا ہے۔ ہم نے پورے ملک میں پہلے نتیجہ کا اعلان کیا ہے۔ پچھلے دو سالوں سے نتیجہ مارچ میں ہی جاری ہو رہا ہے۔ انہوں نے کہا کہ اس بار
نئے کمپیوٹرائزڈ فارمیٹس تیار کیے گئے ہیں۔ بہار بورڈ 10ویں میں کل 81.04 فیصد بچے پاس ہوئے ہیں۔
