FreeCurrencyRates.com

इंडियन आवाज़     28 Jan 2020 02:57:48      انڈین آواز
Ad

آسام میں 20 لاکھ افراد کی شہریت منسوخ ہونے پر ایمنسٹی انٹرنیشنل کا اظہار تشویش

نئی دہلی —
انسانی حقوق کی تنظیم ایمنسٹی انٹرنیشنل نے آسام میں شہریوں کے نیشنل رجسٹر آف سیٹزنز ‘این آر سی’ میں تقریباً بیس لاکھ افراد کے ناموں کی عدم شمولیت پر شدید تشویش کا اظہار کیا ہے۔

ایمنسٹی انٹرنیشنل کے مطابق حتمی فہرست کی اشاعت کے بعد بڑی تعداد میں شہریوں کی تقدیر غیر یقینی ہو گئی ہے۔

انسانی حقوق کی تنظیم نے آسام کی حکومت سے مطالبہ کیا ہے کہ وہ اس بات کو یقینی بنائے کہ غیر ملکیوں سے متعلق ٹریبونل قومی و بین الاقوامی قوانین کے معیار کے مطابق شفافیت کے ساتھ کام کریں۔

ایمنسٹی انٹرنیشنل کے بھارت کے سربراہ آکار پٹیل نے کہا ہے کہ غیر ملکیوں سے متعلق ٹریبونل، جو کہ لاکھوں افراد کی بھارتی شہریت کا فیصلہ کریں گے، نیم عدالتی ادارے ہیں۔ جہاں غیر ملکی قرار دیے گئے لوگوں پر یہ ذمہ داری ہے کہ وہ یہ ثابت کریں کہ وہ بھارتی شہری ہیں۔

ان کے مطابق متعدد رپورٹس سے پتہ چلتا ہے کہ ان ٹربیونلز کی کارروائی میں مرضی کے فیصلے کیے جاتے ہیں جبکہ ان کے احکامات جانب دارانہ اور امتیازی رہے ہیں۔

انہوں نے زور دے کر کہا کہ اس بات کو یقینی بنانے کی ضرورت ہے کہ کسی شخص کو من مانے فیصلے یا غیر واضح بنیاد پر شہریت سے محروم نہ کیا جائے۔

‘کوئی ملک اپنے شہریوں کے ساتھ ایسا نہیں کرتا’

انسانی حقوق کے کارکن اور ‘فورم فار سول رائٹس’ کے چیئرمین سید منصور آغا نے ‘وائس آف امریکہ’ سے بات کرتے ہوئے کہا کہ یہ پورا معاملہ سیاسی ہے۔ یہ اقلیتوں کو ہدف بنانے کے لیے کیا گیا ہے۔

انہوں نے کہا کہ جن لوگوں کے نام شامل نہیں ہیں۔ وہ غریب مزدور طبقے کے لوگ ہیں۔ وہ ہر سال اجڑتے ہیں اور ہر سال بستے ہیں۔ وہ یہ بات کیسے ثابت کر سکتے ہیں کہ ان کے اجداد فلاں سال میں بھارت آئے تھے اور ان کے پاس اس کے ثبوت ہیں۔

منصور آغا نے مزید کہا کہ دنیا کا کوئی ملک اپنے شہریوں کے ساتھ ایسا رویہ اختیار نہیں کرتا جیسا کہ بھارتی حکومت نے کیا ہے۔

ان کا کہنا تھا کہ 20 لاکھ نہ سہی صرف 20 ہی افراد ہوں تب بھی ان کے ساتھ یہ بہت بڑا ظلم ہے۔ جن کے نام فہرست سے باہر ہیں وہ سب مظلوم انسان ہیں خواہ وہ کسی بھی فرقے سے تعلق رکھتے ہوں۔

بقول ان کے اس مشق سے خاندان کے خاندان بٹ گئے ہیں۔ ایک فرد کا نام ہے جبکہ چار افراد کے نہیں ہیں۔ چار لوگوں کے ہیں تو دو فہرست میں شامل نہیں ہیں۔

منصور آغا کے مطابق بہت سے سرکاری ملازمین اور فوجیوں کے نام بھی این آر سی میں شامل نہیں ہیں۔ ایسے لوگوں پر یہ بہت بڑا ظلم ہے۔ جن کی پیدائش یہاں کی ہے وہ آسام کا شہری ہے۔

سیاسی جماعتوں اور متاثرین میں شدید غم و غصہ

این آر سی کی حتمی فہرست کی اشاعت کے بعد مختلف سیاسی جماعتوں اور متاثرین میں شدید غم و غصہ پایا جاتا ہے۔

آسام کے سابق وزیر اعلی ترون گوگوئی نے کہا ہے کہ وہ اس کارروائی سے خوش نہیں ہیں۔

ان کے مطابق بی جے پی بھی خوش نہیں ہے۔ اس سے پتہ چلتا ہے کہ وہ اس میں بری طرح ناکام ہوئے ہیں۔

ریاست کے نائب وزیر اعلی ہیمنت بسوا شرما نے کہا کہ حتمی فہرست کی اشاعت کے بعد غیر ملکیوں کو نکال باہر کرنے کی ہماری امیدیں دم توڑ گئیں۔

مغربی بنگال کی وزیر اعلیٰ ممتا بنرجی نے کہا کہ انہیں یہ دیکھ کر صدمہ پہنچا ہے کہ گورکھا برادری کے ایک لاکھ افراد کے نام فہرست سے غائب ہیں۔

ان کے مطابق فہرست نے ان تمام لوگوں کو بے نقاب کر دیا جو اس کی آڑ میں سیاسی فائدہ اٹھانے کی کوشش کر رہے ہیں۔

آل انڈیا مجلس اتحاد المسلمین کے صدر اور رکن پارلیمنٹ اسد الدین اویسی نے کہا کہ آسام میں 40 لاکھ غیر قانونی تارکین وطن کا امت شاہ کا دعویٰ بے نقاب ہو گیا ہے۔

Leave a Reply

Your email address will not be published. Required fields are marked *

Ad

SPORTS

Chirag Shetty, Adcocks take Pune to 2nd consecutive win at PBL 2020

HSB / Lucknow Thailand Open men’s doubles champion Chirag Shetty played a pivotal role alongside world ch ...

Awadhe Warriors look for their first home win at PBL 2020

HSB / AMN / Lucknow The Awadhe Warriors will look to bounce back to form when they take on the Mumbai Rocke ...

Table Tennis: Setback for Gujarat as Trisha’s heroics put Assam on top

AMN / Hyderabad Reigning women champions Bengal A did not need a second invitation as they held sway in Gr ...

ART & CULTURE

Jaipur Literature Festival begins

By A Correspondent / Jaipur The Jaipur Literature Festival has commenced here today. Chief Minister of Raj ...

Difference between World Hindi Day and Hindi Divas

WEB DESK There is some confusion over World Hindi Day and Hindi Divas. We must know the difference between ...

Ad

MARQUEE

IRCTC to operate Golden Chariot luxury train from March 2020

AMN The Indian Railway Catering And Tourism Corporation, IRCTC, will operate and manage luxury train, Golden ...

Qutub Minar glitters amid LED illumination

  QUTUB MINAR Staff Reporter / New Delhi The historic Qutb Minar came alive ...

CINEMA /TV/ ART

Shabana Azmi to be discharged from hospital soon

WEB DESK Actress Shabana Azmi, who was injured in an accident on the Mumbai-Pune Expressway recently can b ...

Filmi Titbits-3: SRK shares Math video, actor says it has solved many of his problems

WEB DESK Shah Rukh Khan has shared a viral video, which was earlier shared by businessman Anand Mahindra. T ...

Ad

@Powered By: Logicsart

Do NOT follow this link or you will be banned from the site!