بھارت نے کبڈی میں گولڈ میڈل لے کر تاریخ رقم کی، ایشیاڈ میں بھارت نے پہلی بار 100 تمغے جیتے، پی ایم مودی نے دی مبارکباد
ہندوستان نے ہفتہ (7 اکتوبر) کو ایشین گیمز 2023 میں تاریخ رقم کی ہے۔ چین کے ہانگزو میں جاری ایشیائی کھیلوں میں ہندوستان نے اب تک 100 تمغے جیتے ہیں۔ اس کے پیش نظر وزیر اعظم نریندر مودی نے خواتین کی کبڈی ٹیم اور ہم وطنوں کو اس تاریخی کامیابی پر مبارکباد دی ہے۔
ہفتہ کی صبح، کھیلوں کے 14 ویں دن، خواتین کی کبڈی ٹیم نے فائنل میں چائنیز تائپے کو 26-25 سے شکست دی اور ہندوستان کے لیے طلائی اور 100 واں تمغہ جیتا۔ اس کے ساتھ ہی ہندوستان نے اب 25 گولڈ میڈل جیتے ہیں۔اب تک ہندوستان کو 5 میڈل مل چکے ہیں۔کبڈی کے علاوہ آرچری کمپاؤنڈ میں ہندوستان کو 4 تمغے ملے ہیں۔جن میں 2 گولڈ، ایک سلور اور ایک برانز شامل ہے۔
چین کے ہانگزو میں جاری ایشیائی کھیلوں کے اختتام سے ایک دن پہلے تک بھارت کے تمغوں کی مجموعی تعداد 100ہوگئی ہے، جس میں سونے کے 25، چاندی کے 35 اور کانسے کے 40 تمغے شامل ہیں۔ بھارت نے آج صبح سونے کے تین، چاندی کا ایک اور کانسے کا ایک تمغے جیتا ہے۔ بھارت تمغے جیتنے میں سردست چوتھے مقام پر ہے۔مرکزی وزیر کرن ریجی جو نے تمغے جیتنے پر کھلاڑیوں کی ستائش کی