اگنی واریئر (ایس اے ڈبلیو-2024) کی 13 ویں مشترکہ فوجی مشق جوہندوستانی فوج اور سنگاپور کی مسلح افواج کے درمیان دو طرفہ مشق ہے، 30 نومبر 2024 کو فیلڈ فائرنگ رینجز، دیولالی (مہاراشٹرا) میں اختتام پذیر ہوئی۔ 28 سے 30 نومبر 2024 تک چلنے والی اس تین روزہ مشق میں سنگاپور کی مسلح افواج کے دستے نے شرکت کی جس میں سنگاپور آرٹلری کے 182 اہلکار اور رجمنٹ آف آرٹلری کے 114 اہلکاروں پر مشتمل ہندوستانی فوج کے دستے نے حصہ لیا۔
ایس اے ڈبلیو-2024 کا مقصد اقوام متحدہ کے چارٹر کے تحت کثیر قومی قوت کے طور پر اشتراك حاصل کرنے کے لیے مشقوں اور طریقہ کار کی باہمی تفہیم کا دائرہ وسیع کرنا تھا۔مشق میں مشترکہ فائر پاور کی منصوبہ بندی، عملدرآمد اور دونوں كی فوجی آرٹلری کی جانب سے نئی نسل کے آلات کے استعمال کی نمائش کی گئی۔
لیفٹیننٹ جنرل ادوش کمار، ڈائریکٹر جنرل آرٹلری، لیفٹیننٹ جنرل این ایس سرنا، کمانڈنٹ، اسکول آف آرٹلری، اور کرنل اونگ چیو پرنگ، چیف آرٹلری آفیسر، سنگاپور آرمڈ فورسز نے اس تقریب کا مشاہدہ کیا۔ معززین نے اعلیٰ سطحی پیشہ ورانہ مہارت اور مہارت کا مظاہرہ کرنے پر حصہ لینے والے دستوں کی ستائش كی۔
وسیع پیمانے پر مشترکہ تیاری، ہم آہنگی، ایک دوسرے کی صلاحیتوں کو سمجھنا، طریقہ کار اور ہندوستانی اور سنگاپور کے آرٹلری طریقہ کار کے درمیان مشترکہ انٹرفیس کا ارتقا اس مشق كا حصہ تھا۔ اس مشق كے ساتھ سنگاپور کی مسلح افواج کے دستوں کی جانب سے فائر پاور پلاننگ کی پیچیدگیوں سے پردہ اٹھانے کی کامیاب تربیت مكمل ہوئی۔ دونوں طرف سے مشق کے دوران مخصوص ٹیکنالوجیز کا استعمال اور مشترکہ تربیت کے حصے کے طور پر بہترین طریقوں کا تبادلہ کیا گیا۔