AMN / NEW DELHI
ہندوستان اور سعودی عرب نے حج کے لئے تعاون کو مضبوط بنانے اور حج کے دوران بہتر خدمات پر توجہ دینے پر اتفاق کیا ہے۔
مرکزی اقلیتی امور کی وزیر اسمرتی ایرانی نے آج سعودی عرب کے حج اور عمرہ کے وزیر توفیق بن فوزان الربیع کے ساتھ حج کے سلسلے میں تعاون کو گہرا کرنے پر نتیجہ خیز بات چیت کی۔
نئی دہلی میں میڈیا سے خطاب کرتے ہوئے محترمہ ایرانی نے کہا کہ دونوں ممالک نے تمام عازمین حج کے لیے بہترین خدمات کی فراہمی کے ساتھ حج کے عمل کو ہر ممکن حد تک آسان اور ہموار بنانے کے لیے مل کر کام کرنے پر اتفاق کیا ہے۔ انہوں نے اس بات پر روشنی ڈالی کہ ہندوستان سعودی عرب سے اس مدد کا تہہ دل سے تعریف کرتا ہے جو اسے حج کے آسان انعقاد کے لئے تعاون بڑھانے کے لئے ملی ہے، خاص طور پر حج 2023 میں جہاں تقریباً 47 فیصد ہندوستانی عازمین خواتین تھیں۔
وزیر موصوف نے زور دے کر کہا کہ حکومت حج کو معاشرے کے تمام طبقات بالخصوص خواتین اور دیویانگ جن کے لیے شامل اور قابل رسائی بنانے کے لیے پرعزم ہے۔ حکومت کی جانب سے 2024 کے لیے حج پالیسی کا اعلان پہلے ہی کیا جا چکا ہے اور عازمین سے درخواستیں طلب کی جا چکی ہیں۔
اپنے بیان میں سعودی عرب کے وزیر حج و عمرہ نے کہا کہ ان کی حکومت مذہبی زیارتوں کو سہولت فراہم کرنے کے لیے وقف ہے۔ انہوں نے کہا کہ سعودی عرب نے تکنیکی ترقی، بہتر اقدامات اور اپ گریڈ انفراسٹرکچر کو بروئے کار لا کر عمرہ کو مؤثر طریقے سے ایک فائدہ مند مذہبی مہم میں تبدیل کر دیا ہے۔
