AMN / WEB DESK
سپریم کورٹ نے گمراہ کن اشتہارات کے معاملے میں منگل کو پتنجلی آیوروید، اس کے منیجنگ ڈائریکٹر آچاریہ بال کرشن اور اس کے شریک بانی بابا رام دیو پر سخت نکتہ چینی کی۔
جسٹس ہیما کوہلی اور احسن الدین امان اللہ کی بنچ انڈین میڈیکل ایسوسی ایشن کی طرف سے ایلوپیتھی پر حملہ کرنے والے اور بعض بیماریوں کے علاج کے دعوے کرنے والے پتنجلی کے اشتہارات کے خلاف دائر درخواست کی سماعت کر رہی تھی۔
عدالت بالکرشنا کے داخل کردہ حلف نامہ سے مطمئن نہیں تھی اور کہا کہ وہ فراہم کردہ وضاحت کو قبول نہیں کرے گی۔ عدالت نے آیوش کی وزارت سے یہ بھی پوچھا کہ اس نے عصری ادویات کی توہین کرنے والے اشتہارات کے لیے پتنجلی کے خلاف کارروائی کیوں نہیں کی۔ تاہم عدالت عظمیٰ نے رام دیو اور بالاکرشن کو ایک ہفتے میں حلف نامہ داخل کرنے کا آخری موقع دیا۔
.