Last Updated on February 15, 2023 2:09 pm by INDIAN AWAAZ
جنوبی کیرولینا کی سابق گورنر اور اقوام متحدہ میں امریکہ کی سفارت کار نِکّی ہیلی نے اعلان کیا ہے کہ وہ صدر کے عہدے کیلئے کوشش کریں گی۔ وہ ریپبلکن پارٹی سے وابستہ پہلی امیدوار ہوں گی، جو پارٹی کی طرف سے نامزدگی کیلئے سابق صدر ڈونلڈ ٹرمپ کو چیلنج کریں گی۔ نِکّی ہیلی، ٹرمپ انتظامیہ میں خدمات انجام دے چکی ہیں۔ انھوں نے اپنی طرف سے پوسٹ کئے گئے ایک ویڈیو میں اعلان کیا ہے کہ نئی نسل کی قیادت کا یہی وقت ہے۔ نِکّی ہیلی، بھارت نژاد ہیں اور اُن کی پیدائش جنوبی کیرولینا کے Bamberg میں ہوئی تھی۔ وہ ریاست کی پہلی خاتون گورنر بنیں اور وہ پہلی بھارت نژاد امریکی ہیں، جنہوں نے ریاست کی قیادت کی ہے۔