امریکہ کی طرف سے ایران اور چین کی فرموں پر پابندیاں عاءد کرنے کا فیصلہ

AMN

امریکہ ایران کے پروکیورمنٹ نیٹ ورک میں رکاوٹیں کھڑی کرنے کے لیے اپنے اختیار میں ہر حربے کو استعمال کرنے کے لیے پرعزم ہے

امریکی محکمہ خارجہ کے ترجمان کی جانب سے جاری کردہ تحریری بیان میں کہا گیا کہ ایران کےبیلسٹک میزائل پروگرام میں کلیدی کردار ادا کرنے والے لوگوں اور تنظیموں کو ہدف بنایا گیا ہے۔

بیان میں بتایا گیا کہ ایران اور چین میں 7 افراد اور 6 تنظیموں کے پروکیورمنٹ نیٹ ورک پر ایران میں بیلسٹک میزائل پروگرام میں معاونت فراہم کرنے پر پابندی عائد کرنے کا فیصلہ کیا گیا ہے۔

اس بات کی طرف اشارہ کرتے ہوئے کہ مذکورہ خریداری چین میں ایران کے دفاعی اتاشی کی طرف سے کی گئی تھی، بیان میں کہا گیا ہے،”امریکہ ایران کے پروکیورمنٹ نیٹ ورک میں رکاوٹیں کھڑی کرنے کے لیے اپنے اختیار میں ہر حربے کو استعمال کرنے کے لیے پرعزم ہے اور ایران کو اس کے اقدامات کے لیے جوابدہ ٹھہرانے کے لیے اتحادیوں اور شراکت داروں کے ساتھ مل کر کام کر رہا ہے۔”