امریکا اور بھارت کے مابین فوجی رسد کے تبادلے پر اتفاق رائے

امریکا صدر باراک اوباما اور بھارتی وزیراعظم نریندر مودی نے فوجی رسد کے تبادلے کے ایک معاہدے کے متن پر اتفاق کر لیا ہے۔ اوباما اور مودی کے مشترکہ بیان کے مطابق دونوں ممالک دہشت گردی سے متعلق معلومات کا تبادلہ بھی کریں گے۔ اس بیان میں مزید کہا گیا کہ امریکا بھارت دفاعی روابط استحکام کی ضمانت ہو سکتے ہیں۔ بتایا گیا ہے کہ اس معاہدے پر بہت جلد دستخط بھی کر دیے جائیں گے۔ اوباما نے منگل کے روز نریندر مودی سے واشنگٹن میں ملاقات کی تھی۔ اس دوران تحفظ ماحول، جوہری شعبے میں تعاون اور توانائی جیسے موضوعات پر بھی تبادلہ خیال کیا گیا۔