NEWS

COVID-19: 25,62,191 recovered worldwide
Trump threatens military action over protests
Coronavirus: Death toll rises to 3,68,711 worldwide
25 US cities under curfew as clashes continue
Worshippers return to Jerusalem’s Al-Aqsa mosque
FreeCurrencyRates.com

इंडियन आवाज़     01 Jun 2020 10:46:22      انڈین آواز

وزیر اعظم مودی کی پہلی پریس کانفرنس، کسی سوال کا جواب نہیں دیا

NEW DELHI
وزیر اعظم نریندر مودی نے اپنے پانچ سال کے دور اقتدار میں آج سترہ مئی کو پہلی ’پریس کانفرنس‘ کی، تاہم انہوں نے صحافیوں کے کسی سوال کا جواب نہیں دیا۔

وزیر اعظم مودی نے ان سے پوچھے گئے تمام سوالات کو اپنے ساتھ بیٹھے پارٹی صدر امت شاہ کی طرف موڑ دیا۔ اس پریس کانفرنس کا پچھلے پانچ برس سے ہر صحافی کو کافی انتظار تھا۔ وہ ملک کے وزیر اعظم سے براہ راست سوال پوچھنا چاہتے تھے کیوں کہ وزیر اعظم نریندر مودی نے مئی 2014 میں اقتدار سنبھالنے کے بعد سے اب تک کوئی پریس کانفرنس نہیں کی تھی۔ تاہم انہیں آج اس وقت خاصی مایوسی ہوئی جب وزیر اعظم نے ان سے براہ راست پوچھے گئے ایک بھی سوال کا جواب نہیں دیا اور اپنے ساتھ پریس کانفرنس میں بیٹھے حکمراں بھارتیہ جنتا پارٹی کے صدر امت شاہ کی طرف اشارہ کرتے ہوئے کہا، ”ہمارے لیے پارٹی صدر ہی سب کچھ ہوتے ہیں۔”

بی جے پی کے ہیڈ کوارٹر میں منعقد اس رسمی پریس کانفرنس میں وزیر اعظم نے صر ف بیان دینے پر اکتفا کیا۔ انہوں نے کہا کہ وہ میڈیا کا بھی شکریہ ادا کرنے آئے ہیں اور میڈیا کے ذریعے سے اہل وطن کا بھی۔ اپنے بیان میں انہوں نے دعوی کیا کہ موجودہ عام انتخابات میں بی جے پی کو مکمل اکثریت حاصل ہو گی، ”مجھے یقین ہے کہ مکمل اکثریت والی حکومت پانچ سال کی مدت کار مکمل کرنے کے بعد دوبارہ جیت کر اقتدار میں آ رہی ہے اور طویل عرصے کے بعد ایسا ہوگا۔ ملک کے عوام کو سن 2014 کے بعد 2019ء میں پھر سے موقع ملا ہے۔ عوام نے حکومت بنانا طے کرلیا ہے۔ ملک کو آگے لے جانے کے لیے کیا کرنا ہے۔ جلد سے جلد نئی حکومت اپنا کام شروع کردے گی۔”

داخلی سلامتی کے معاملے پر اپنی حکومت کے کارناموں کا ذکر کر تے ہوئے مودی نے کہا کہ سن 2009 اور 2014ء میں الیکشن کی وجہ سے آئی پی ایل کرکٹ مقابلوں کا انعقاد بیرون ملک کرانا پڑا تھا لیکن اس مرتبہ آئی پی ایل کو باہر نہیں لے جانا پڑا، ”آئی پی ایل، الیکشن، ایسٹر، نوراتری، رام نومی اور ہنومان جینتی اور روزے بھی ساتھ ساتھ چلے۔ یہ ملک کی جمہوریت کی طاقت ہے۔ دنیا کو ہندوستانی جمہوریت کی طاقت سے آگاہ کرایا جانا چاہیے۔ یہ جمہوریت تنوع سے بھری ہوئی ہے۔”

وزیر اعظم مودی نے کہا، ”گزشتہ مرتبہ انتخابی نتیجہ 16مئی 2014ء کو آیا تھا اور اگلے ہی دن 17مئی کو ’سانحہ‘ہوگیا تھا۔ سٹے بازوں کو مودی کے آنے سے بھاری نقصان ہوا تھا۔ سٹہ لگانے والے سب کے سب ڈوب گئے تھے اور ایمانداری کی شروعات اسی دن ہوگئی تھی۔”

بی جے پی کے قومی صدر امت شاہ نے صحافیوں کے سوالوں کا جواب دیتے ہوئے کہا کہ یہ پہلا موقع ہے جب الیکشن میں اپوزیشن کی طرف سے حکومت کے خلاف مہنگائی اور بدعنوانی کو انتخابی موضوع نہیں بنایا گیا، ”بہت دنوں کے بعد عوام نے ایسا الیکشن دیکھا ہے جس میں یہ موضوعات غائب تھے۔”

امت شاہ نے دعوی کیا، ”مودی حکومت نے ملک کے وقار کو بلند کرنے کا کام کیا ہے۔ بھارت کو ایک عالمی طاقت کے طور پر تسلیم کرانے کا کام کیا ہے۔ آج کسی میں بھی عدم تحفظ کا احساس نہیں ہے۔“ انہوں نے دعوی کیا کہ ان کی پارٹی اس مرتبہ تین سو سے زیادہ سیٹیں حاصل کرکے اپنے بل بوتے پر حکومت بنائے گی۔ خیال رہے کہ بھارتی ایوان زیریں یعنی لوک سبھا میں مجموعی طور پر 543 سیٹیں ہیں اور حکومت سازی کے لیے کم از کم 274 سیٹوں کی ضرورت ہوتی ہے۔

آج کی پریس کانفرنس میں دلچسپ بات یہ رہی کہ جس وقت وزیر اعظم مودی صحافیوں سے گفتگو کر رہے تھے ٹھیک اسی وقت اپوزیشن کانگریس پارٹی کے صدر راہل گاندھی کی بھی پارٹی ہیڈکوارٹر میں پریس کانفرنس چل رہی تھی۔ راہل گاندھی نے طنزیہ لہجے میں کہا، ”میں دو تین صحافیوں کو وزیر اعظم کی پریس کانفرنس میں بھیجنے والا تھا لیکن پتہ چلا کہ وہاں تو دروازہ ہی بند کردیا گیا ہے۔ میں وزیر اعظم سے سوال پوچھنا چاہتا ہوں کہ آپ نے مجھ سے رافیل جنگی طیارہ معاملے پر بحث کیوں نہیں کی؟ میں نے آپ کو چیلنج کیا، انیل امبانی کے معاملے پر سوال پوچھے، لیکن آپ نے کوئی جواب نہیں دیا۔ آج پریس کانفرنس کر رہے ہیں تو ملک کو بتا دیجئے کہ آپ میرے ساتھ ڈیبیٹ کیوں نہیں کرنا چاہتے ہیں۔”

وزیر اعظم مودی کی اس پریس کانفرنس پر سوشل میڈیا میں دلچسپ تبصرے ہو رہے ہیں۔ لوگ اس بات پر بھی حیرت کا اظہار کر رہے ہیں کہ ہرماہ ریڈیو پر’من کی بات‘ کرنے والے اور بڑے بڑے عوامی جلسوں کو اپنی تقریروں سے مسحور کر دینے والے نریندر مودی نے آج صحافیوں کے ایک بھی سوال کا جواب کیوں نہیں دیا۔

Leave a Reply

Your email address will not be published. Required fields are marked *

Ad

SPORTS

Hockey Legend Balbir Singh (Sr) is no more

Harpal Singh Bedi / New Delhi The grand old man of Indian hockey Balbir Singh (Senior) is no more. Conside ...

Football; U-17 girls keen to get back to the pitch; Ccoach Thomas Dennerby

Harpal Singh Bedi / New Delhi National U-17 Women’s Team Head Coach Thomas Dennerby has opined that his p ...

Ad

خبرنامہ

ممتاز مزاح نگار مجتبیٰ حسین انتقال کرگئے۔

ممتاز مزاح نگار مجتبیٰ حسین آ ج صبح حیدرآباد میں انتقال کرگئ ...

مارک زکربرگ کے اثاثوں میں 2 ماہ کے دوران 30 ارب ڈالرز کا اضافہ

WEB DESKدنیا بھر میں نئے نوول کورونا وائرس کی وبا کے باعث لاک ڈاو ...

کورونا کی ویکسین ابھی بنی نہیں کہ ’پہلے کسے ملے گی‘ پر جھگڑا شروع

AMNفرانسیسی دوا ساز کمپنی سنوفی کے چیف ایگزیکیٹو پال ہڈسن کے ا ...

TECH AWAAZ

Bill Gates leaves Microsoft

Bill Gates and wife Melinda WEB DESK Microsoft Co-founder Bill Gates has left the Board of directors of ...

Larry Tesler, inventor of ‘cut-copy-paste’ dies at 74

Scientist copied the printing technique of physically cutting and glueing printed text WEB DESK Larr ...

MARQUEE

60,000 marriages cancelled in Haryana

WEB DESK The wedding industry has been badly hit by the lockdown in Haryana. More than 60,000 marriages sch ...

Transgender activists ask Govt to halt Transgender Rules, 2020

FILE PHOTO WEB DESK More than 150 transgender activists from across India  have urged the governmen ...

@Powered By: Logicsart

Do NOT follow this link or you will be banned from the site!