FreeCurrencyRates.com

इंडियन आवाज़     19 Jan 2020 01:31:38      انڈین آواز
Ad

وزیراعظم نے ہندوستان کے خلائی سائنسدانوں کی کوششوں کی تعریف کی

انہوں نے پُرامید رہنے اور ہندوستان کے خلائی پروگرام پر سخت محنت جاری رکھنے کے لیے ان کی حوصلہ افزائی کی

نئی دہلی،/

اسرو کے ہیڈکوارٹر میں کنٹرول سینٹر سے چندرایان 2 مشن کا رابطہ ٹوٹ جانے پر بھی بنگلورو میں اسرو سائنسدانوں کے ساتھ چندرایان 2 کے اترنے کا منظر دیکھنے والے وزیراعظم جناب نریندر مودی نے کہا کہ ‘‘ ہندوستان کو اپنے سائنسدانوں پر فخر ہے۔ انہوں نے ہمیشہ اپنی پوری کوشش کی ہے اور ہندوستان کو فخر کرنے لائق بنایا ہے یہ حوصلہ مندی کے لمحیں ہیں اور ہمیں حوصلہ مندی دکھانی ہی ہوگی۔ ’’

سائنسدانوں کے حوصلہ افزائی کی ذاتی کوشش کرتے ہوئے وزیراعظم نے کہا کہ ‘‘ملک آپ کے ساتھ ہے، میں آپ کے ساتھ ہوں۔ کوشش بھرپور تھی اور سفر بھی ویسا ہی رہا۔’’

‘‘ آپ وہ لوگ ہیں جو بھارت ماتا کی فتح کے لیے کام کرتے ہیں اور اس کے لیے جدوجہد کرتے ہیں اور آپ اس کو فخر کرنے لائق بنانے کے لیے عزم و حوصلہ رکھتے ہیں۔ ’’

‘‘گزشتہ رات آپ کی دل شکستگی اور جذبات کو میں نے محسوس کیا۔ جس وقت وھیکل سے رابطہ ٹوٹا اُس وقت میں آپ کے ساتھ ہی تھا۔ کئی جواب طلب سوالات ہیں لیکن مجھے یقین ہے کہ آپ اُن کے جوابات کھوج نکالیں گے۔ میں جانتا ہوں کہ اس میں بہت محنت لگی تھی۔ ’’

‘‘ہمیں اپنے سفر میں ایک چھوٹی ناکامی کا سامنا کرنا پڑا ہے لیکن اس سے اپنے مقاصد کو حاصل کرنے کے معاملے میں ہمارے حوصلے اور جوش و جذبے میں کمی نہیں آئے گی۔ ’’

اب ہمارے عزائم کو مضبوطی ملی ہے۔

‘‘پورا ملک ہمارے سائنسداں بھائیوں اور بہنوں کے ساتھ اتحاد کا اظہار کرنے کے لیے گزشتہ رات جاگ رہا تھا۔ ہم چاند کی سطح کے بہت نزدیک پہنچ گئے تھے اور یہ کوشش بہت زیادہ قابل ستائش ہے۔ ’’

‘‘ہمیں اپنے خلائی پروگرام اور سائنسدانوں پر فخر ہے، اُن کی سخت محنت اور مضبوط ارادے نے نہ صرف ہمارے شہریوں بلکہ دوسرے ممالک کے لیے بھی بہتر زندگی کو یقینی بنایا ہے۔ ایجادات کے لیے یہ اُن کے جوش و جذبے کا ہی نتیجہ ہے کہ بہت سے لوگوں کے معیار زندگی میں بہتری آئی ہے اس میں بہتر صحت دیکھ بھال اور تعلیم بھی شامل ہے۔ ’’

‘‘ہندوستان جانتا ہے کہ آگے فخر کرنے اور خوشی کے بہت سے اور لمحات آئیں گے۔ ’’

‘‘جب خلائی پروگرام کی بات آتی ہے تو اس سلسلے میں بہترین کامیابی تو ابھی حاصل کی جانی ہے۔ ’’

‘‘خوج کرنے کے لیے نئی حدود ہیں اور جانے کے لیے نئے مقامات ۔ ہم اُس موقعے کے لیے کوشش کریں گے اور کامیابی کی نئی بلندیوں کو چھوئیں گے۔ ’’

‘‘اپنے سائنسدانوں میں کہنا چاہتا ہوں، ہندوستان آپ کے ساتھ ہے آپ نے اپنی فطرت کے مطابق اُس مقام تک پہنچنے کی کوشش کی ہے جہاں اس سے پہلے کوئی نہیں گیا تھا۔ ’’

‘‘آپ جہاں تک جا سکتے تھے آپ گئے، میں فخر کے ساتھ کہہ سکتا ہوں کہ کوشش بھرپور تھی اور اسی طرح سفر بھی۔ ہماری ٹیم نے سخت محنت کی اور دور تک سفر کیا اور اس کے اسباق ہمیشہ ہمارے ساتھ رہیں گے۔ ’’

‘‘آج سے سبق حاصل کر کے ہم اور زیادہ مضبوط بنیں گے اور مزید بہتر کل حاصل کریں گے۔ ’’

‘‘میں اپنے خلائی سائنسدانوں کے خاندانوں کا شکریہ ادا کرتا ہوں۔ اُن کی خاموش لیکن بیش بہا حمایت ہماری کوششوں میں ایک بڑی طاقت رہی ہے۔ ’’

‘‘بہنوں اور بھائیوں! لچیلا پن اور استحکام ، ہندوستان کے مخصوص مزاج کے مرکز میں ہے۔ اپنی شاندار تاریخ میں ہم نے ایسے لمحات کا سامنا کیا ہے جن میں ہمیں کچلا جا سکتا تھا لیکن ہم نے کبھی ہمت نہیں ہاری۔ یہی وجہ ہے کہ ہماری تہذیب سر اُٹھائے کھڑی ہے۔ ’’

اپنی شاندار تاریخ میں ہمیں ایسے لمحات کا سامنا کرنا پڑاہے جب ہمیں کچلا جا سکتا تھا لیکن ہم نے کبھی ہار نہیں مانی۔ اور یہی وجہ ہے کہ ہماری تہذیب سر اُٹھائے کھڑی ہے۔

‘‘ہم نے تاریخی کامیابی حاصل کی ہے۔ میں جانتا ہوں کہ اسرو بھی اس کامیابی کی اہمیت کو سمجھے گا۔ ’’

‘‘ایک نیا سویرا ہوگا ، ایک بہتر کل آئے گا، نتائج کی فخر کیے بغیر ہم آگے بڑھیں گے اور یہی ہماری تاریخ ہے۔’’

مجھے آپ پر اعتماد ہے، آپ کے خواب میرے خوابوں سے زیادہ اونچے ہیں اور آ پ کی امیدوں پر مجھے پورا اعتماد ہے۔ میں آپ سے تحریک حاصل کرنے کے لیے ملاقات کرتا ہوں۔ آپ تحریک کا سمندر ہیں اور تحریک کی ایک جیتی جاگتی تصویر بھی۔

میں آپ سبھی کو مبارکباد دیتا ہوں اور آپ کی تمام کوششوں کے لیے نیک خواہشات کا اظہار کرتا ہو۔

Leave a Reply

Your email address will not be published. Required fields are marked *

Ad

SPORTS

Vinesh Phogat wins gold medal in Rome Ranking Series

A dominant Vinesh Phogat won her first gold medal of the 2020 season at the Rome Ranking Series event after te ...

Sania Mirza wins women’s doubles title of WTA International trophy

Sania Mirza and her Ukrainian partner Nadiia Kichenok have won the women's doubles title of the WTA Internati ...

India and Australia to play third and decisive ODI match at Bengaluru tomorrow

In cricket, a coveted series-victory will be at stake when a resilient India face Australia in the third and d ...

ART & CULTURE

Difference between World Hindi Day and Hindi Divas

WEB DESK There is some confusion over World Hindi Day and Hindi Divas. We must know the difference between ...

New Delhi World Book Fair-2020 begins

This Book Fair is Asia’s biggest book fair and I am hopeful that this fair would soon become the world’s b ...

Ad

MARQUEE

IRCTC to operate Golden Chariot luxury train from March 2020

AMN The Indian Railway Catering And Tourism Corporation, IRCTC, will operate and manage luxury train, Golden ...

Qutub Minar glitters amid LED illumination

  QUTUB MINAR Staff Reporter / New Delhi The historic Qutb Minar came alive ...

CINEMA /TV/ ART

FILMI TIDBITS-2; ‘Chhapaak’, a story of acid attack survivors

ENTERTAINMENT DESK Deepika Padukone’s ‘Chhapaak’; a story of acid attack survivors Deepika Pad ...

FILMI TIDBITS -Salman was thrown out of school in 4th grade

Salman Khan was thrown out of school in 4th grade Salman Khan by his own admission was “very difficult” ...

Ad

@Powered By: Logicsart

Do NOT follow this link or you will be banned from the site!