FreeCurrencyRates.com

इंडियन आवाज़     29 Jan 2022 04:37:02      انڈین آواز

“اردو کے فروغ کیلئے”ہم ایک ہیں

بھوپال
اردو کے درپیش حالات کو مدنظر رکھتے ہوئے ”ہم ایک ہیں“کے زیراہتمام”چوپال پہ مشاعرہ“کے عنوان سے بھوپال میں ایک تقریب کا انعقاد کیا گیا۔یہ تقریب باغِ زہرا،کلاکھیڑی،جھرنیا بھوپال میں منعقد کی گئی۔جس کی صدارت ریٹائرڈ ڈی۔جی۔پی۔چھتیس گڑھ جناب ایم۔ڈبلیو۔انصاری صاحب نے کی۔اس تقریب میں شہر کے کئی مخصوص شعراء واردو داں نے اپنی موجودگی درج کرائی۔
اس تقریب میں اردو کی زبو ں حالی کا خوب تذکرہ ہوا۔ شرکاء نے کہا کے اردو ہی بھارت ہے اور بھارت ہی اردو ہے۔ اردو ہی گنگا جمنی تہذیب ہے اور اردو بھارت ماں کی بیٹی ہے۔ جس طرح بیگم سلطان جہاں بیگم،سکندر بیگم،رانی لکشمی بائی،رانی کملاپتی اورقدسیہ بیگم بھارت کی بیٹی ہے اسی طرح اردو بھی بھارت کی ایک بیٹی ہے۔ لیکن آج جس طرح لوگ اپنی بیٹی کے ساتھ ناانصافی کرتے ہیں،ان کا گلا گھونٹ کرماردیتے ہیں،ٹھیک اسی طرح اردو کے ساتھ بھی کررہے ہیں۔اردو کے ساتھ انصاف کرنے کی ضرورت ہے۔ اردو کو بچانے کے لئے مثبت اقدامات کرنے کی ضرورت ہے۔
یہ انتہائی افسوسناک ہے کہ بھارت کی آزادی کے بعد سے مسلسل اردو کو مٹانے کی سازشیں کی جارہی ہیں۔ اردو پڑھنے پڑھانے والوں کے حقوق کو ختم کیا جارہا ہے۔اردوکو ذریعہ معاش سے ہٹادیا گیا ہے۔اردو کے ذریعے جو اپنے گھرچلاتے تھے۔ وہ بھی آج پریشان نظر آرہے ہیں۔اردو پڑھانے والے ٹیچروں کو تنخواہ وقت پر نہیں مل رہی ہے۔مدرسوں میں عہدے خالی پڑے ہیں اس کو بھرا نہیں جارہا ہے۔اردو کے نصاب نہیں مل رہے ہیں۔اداروں کا تعاون روک دیا گیا ہے۔
جبکہ اردو نے آزادی کی جدوجہد میں جو کردارکیا وہ کسی سے چھپا نہیں ہے۔وہ اردو ہی تھا جس نے مجاہدینِ آزادی کے دلوں میں ”سرفروشی کی تمنا اب ہمارے دل میں ہے“کے ذریعے جوش بھرنے کا کام کیا۔ وہ اردو ہی تھا جس نے”ہندو،مسلم، سکھ، عیسائی آپس میں ہیں سب بھائی بھائی“کے ذریعے آپسی بھائی چارے کو مضبوط کرنے کا پیغام دیا۔آج بھی اردو ہی ہے جو تہذیب اور سماج میں آپسی تال میل کو برقرار رکھنے اور عام بول چال میں مٹھاس گھولنے کا کام کرتی ہے۔ آج اسی اردو کی جوصورتحال ہے آپ بخوبی جانتے ہیں اس پر ہمیں کچھ بولنے کی ضرورت نہیں ہے۔
آج لوگ اردو پڑھنا نہیں چاہتے جو اردو پڑھے ہوئے ہیں وہ بھی اپنے بچوں کو اردو نہیں پڑھانا چاہتے ہیں۔ اس معاملے میں مرکزی وریاستی حکومتوں سے سوال کرنے کی ضرورت ہے۔اور تمام صوبوں میں اردو کو درس وتدریس سے جوڑنے کی ضرورت ہے۔اور ان ریاستوں میں جہاں اردو ریاست کی دوسری زبان ہے اس کو صرف کاغذی طور پر نہیں بلکہ زمینی سطح پر نافذ کرنے اور نصاب میں شامل کرنے کی ضرورت ہے۔۔اس تقریب کا مقصد صرف اور صرف اردو کی ترقی کے اسباب اور رکاوٹ پر شرکاء کی رائے اور اس کا حل کیسے ہو؟ اس پر غور کرنا تھا۔جس میں تمام اردو داں نے اردو کو آنے والی نسلوں تک پہنچانے کا عہدلیتے ہوئے اردو کے فروغ کے لئے ہر ممکن کوشش کرنے کا جذبہ دکھایا۔ اس موقع پر جناب مقبول واجد صاحب ایڈیٹر سہ ماہی رسا لہ انسانیت،ظفر صہبائی،ساجد رضوی،ڈاکٹر مہتاب عالم،ڈاکٹر محمد اعظم، بدر واسطی،وجے تیواری،جلال میکش،ثروت زیدی،سراج محمد خان،عظیم اثر منظر بھوپالی صاحبان نے شرکت کی۔آخر میں تقریب کے کنوینر نے تمام شرکاء کا شکریہ ادا کیا۔

 

Leave a Reply

Your email address will not be published. Required fields are marked *

SPORTS

Manpreet Singh to lead 20-member Indian for FIH Pro League matches in South Africa

Harpal Singh Bedi New Delhi, 27 January : Versatile mid fielder Manpreet Singh will lead 20-member Indian H ...

UP Polls: SP releases list of 56 candidates; BSP releases list of 53 candidates

AMN The Samajwadi Party has released a list of 56 candidates for the Assembly elections in Uttar Pradesh to ...

Two-time Olympian and Gold medal winner Charanjit Singh is no more

Harpal Singh Bedi New Delhi, 27 January : Charanjit Singh who led India to a historic Gold Medal in 19 ...

خبرنامہ

ہندوستان میں کورونا کے دوران غریبوں کی تعداد دو گنی لیکن 40ارب پتیوں کا اضافہ

جاوید اخترعالمی ادارے آکسفیم کی رپورٹ کے مطابق کورونا وائرس ...

بھارت مخالف فرضی خبریں پھیلانے پر 35 یوٹیوب چینل، 2 ویب سائٹ بلاک

پاکستان کی مالی اعانت سے چلنے والی فرضی خبروں کے نیٹ ورک بلاک ...

نسلی امتیاز کے خلاف طاقتور آواز، ڈیسمنڈ ٹوٹو کا انتقال

جنوبی افريقہ کا ’اخلاقی پیمانہ‘ قرار دیے جانے والے نوبل انع ...

MARQUEE

National Tourism Day being celebrated

Tourism AMN National Tourism Day is being celebrated today. The day is observed on the 25th of January e ...

Tourists thrilled as Shimla gets mild snowfall

Shimla Himachal Pradesh capital and one of the favourite tourists destination Shimla on Saturday received a ...

@Powered By: Logicsart