Ad
FreeCurrencyRates.com

इंडियन आवाज़     15 Nov 2018 10:03:39      انڈین آواز
Ad

کرن جوہر کرینا کپور سے شادی کی خواہش مند

karan kareena

انٹرٹینمنٹ ڈیسک
بولی وڈ فلم ساز کرن جوہر کے حوالے سے بولی وڈ میں مشہور ہے کہ وہ جہاں اداکاروں اور فلم سازوں کے بچوں کو فلموں میں متعارف کراتے ہیں، وہیں ان کے تعلقات اور دوستیاں بڑی بڑی اداکاروں کے ساتھ ہیں۔

جہاں کرن جوہر کا نام کاجول، فلم ساز فرح خان اور دپیکا پڈوکون جیسی اداکاروں کے ساتھ جوڑا جاتا ہے، وہیں انہیں کرینہ کپور کا بھی بہت اچھا دوست مانا جاتا ہے۔

لیکن یہ پہلا موقع ہے کہ کرن جوہر نے کسی اداکارہ کا نام لے کر اس کے ساتھ شادی کی خواہش کا اظہار کیا ہے۔

آن لائن نشریاتی ادارے ’ووٹ’ کے چیٹ شو ‘فیٹ اپ ود اسٹارس’ میں بات کرتے ہوئے کرن جوہر نے کرینہ کپور کے ساتھ شادی کرنے کی خواہش کا اظہار کرکے سب کو حیران کردیا۔

جی ہاں، چیٹ شو کی میزبان انیتا شروف نے جب ان سے سوال کیا کہ وہ کون سی اداکارہ ہیں جن کے ساتھ وہ شادی کرنا چاہیں گے۔

کرن جوہر نے کچھ سوچے بغیر بولی وڈ کے چھوٹے خان اور ایک بچے کی ماں کرینہ کپور کا نام لیا اور کہا کہ اگر انہیں موقع ملے تو ان سے ہی شادی کریں گے۔

کرن جوہر نے کرینہ کپور سے شادی کرنے کی وجہ بتاتے ہوئے وضاحت کی کہ وہ ایک دلچسپ ساتھی ہیں اور ان کے ساتھ زندگی بہت خوش اور رنگین گزرے گی۔

کرن جوہر نے انٹرویو کے دوران یہ بھی انکشاف کیا کہ کرینہ کپور کے کزن یعنی چاکلیٹی ہیرو رنبیر کپور ان سے متعلق ہر بات جانتے ہیں۔

کرن جوہر نے کہا کہ رنبیر کپور کے پاس ان کے موبائل کا پاس ورڈ ہونے سمیت سوشل اکاؤنٹس کے پاس ورڈز بھی ہیں اور وہ ان سے متعلق ہر اچھی اور بری بات جانتے ہیں۔

انٹرویو کے دوران کرن جوہر نے اپنے سروگیسی بچوں کے حوالے سے بھی بات کی اور کہا کہ اگرچہ وہ شادی شدہ نہیں ہیں، تاہم وہ بچوں کے پیمپرز خود ہی بدلتے ہیں اور انہیں ایک ماں کا پیار دیتے ہیں۔

خیال رہے کہ کرن جوہر نے شادی نہیں کی، تاہم ان کے ہاں 2017 میں کرائے کی کوکھ (سرو گیسی) کے ذریعے جڑواں بچوں کی پیدائش ہوئی تھی۔

ان کے ہاں ایک بیٹا اور ایک بیٹی ہوئی تھی، جن پر انہوں نے اپنے والدہ یش اور والدہ روہی کے نام رکھے۔

کرن جوہر ماضی میں بھی کرینہ کپور کو اپنی بیوی بنانے کی خواہش کا اظہار کر چکے ہیں۔

 کرن جوہر اور کرینہ کپور نے زندگی کے کافی سال ایک ساتھ گزارے اور وہ ایک دوسرے کے انتہائی قریب سمجھے جاتے ہیں، جس وجہ سے ہی کرن جوہر نے اداکارہ سے شادی کی خواہش کا اظہار کیا۔

Leave a Reply

Your email address will not be published. Required fields are marked *

Ad
Ad
Ad

MARQUEE

US school students discuss ways to gun control

             Students  discuss strategies on legislation, communities, schools, and mental health and ...

3000-year-old relics found in Saudi Arabia

Jarash, near Abha in saudi Arabia is among the most important archaeological sites in Asir province Excavat ...

Ad

@Powered By: Logicsart