FreeCurrencyRates.com

इंडियन आवाज़     17 Aug 2018 10:35:45      انڈین آواز
Ad

پاکستان: عام انتخابات میں عمران خان کی پاکستان تحریک انصاف کو برتری حاصل

imran-khan-2

اسلام آباد

پاکستان کے عام انتخابات میں پاکستان تحریک انصاف کو دیگر سیاسی جماعتوں پر بدستور برتری حاصل ہے۔ ابتدائی نتائج کے مطابق عمران خان کی پی ٹی آئی قومی اسمبلی میں ایک سو انیس نشستوں پر برتری حاصل کیے ہوئے ہے جبکہ پاکستان مسلم لیگ نواز کو اکسٹھ حلقوں میں سبقت حاصل ہے۔ جمعرات کی صبح تک کے نتائج کے مطابق پاکستان پیپلز پارٹی کو 40 جبکہ متحدہ قومی موومنٹ آٹھ نشستوں پر کامیاب ہوتے دکھائی دے رہی ہے۔ متحدہ مجلس عمل کو گیارہ نشستیں ملنے کا امکان ہے۔

مسلم لیگ انتخابی نتائج کو تسلیم کرنے سے انکار کر دیا
پاکستان مسلم لیگ (ن) کے سربراہ شہباز شریف نے عام انتخابات کے نتائج کو تسلیم کرنے سے انکار کر دیا ہے۔ شریف کے بقول اس انتخابی عمل کے نتیجے میں پاکستان تیس سال پیچھے چلا گیا ہے۔ پیپلز پارٹی کے چیئرمین بلاول بھٹو نے بھی انتخابات کی شفافیت پر تحفظات کا اظہار کیا ہے۔ انہوں نے کہا کہ ان کے پولنگ ایجنٹس کو پولنگ اسٹیشنوں سے باہر نکال دیا گیا۔ پچیس جولائی کو ہوئے انتخابات کے نتائج انتہائی سست روی سے سامنے آ رہے ہیں، جس پر متعدد سیاسی جماعتوں نے عدم اطمینان کا اظہار کیا ہے۔ ابھی تک عمران خان کی تحریک انصاف برتری حاصل کیے ہوئے ہے جبکہ دوسرے نمبر پر مسلم لیگ ن ہے۔

نتائج میں تاخیر کی وجہ کوئی سازش نہیں، پاکستانی الیکشن کمیشن
الیکشن کمیشن آف پاکستان کے مطابق انتخابی نتائج میں تاخیر کی وجہ کوئی ’سازش یا دباؤ‘ نہیں ہے۔ الیکشن کمیشن کے سکریٹری بابر یعقوب کے بقول نتائج میں تاخیر کی وجہ رزلٹ ٹرانسمیشن کے’ آر ٹی ایس‘ نامی نظام میں رابطے کی خرابی ہے۔ بابر یعقوب کے اس وضاحتی بیان سے قبل نتائج میں تاخیر کے حوالے سے ملکی ذرائع ابلاغ اور سیاسی جماعتیں الیکشن کمیشن کی خاموشی پر شدید تحفظات کا اظہار کر رہی تھیں۔

Leave a Reply

Your email address will not be published. Required fields are marked *

Ad
Ad
Ad
Ad

MARQUEE

Living index: Pune best city to live in, Delhi ranks at 65

The survey was conducted on 111 cities in the country. Chennai has been ranked 14 and while New Delhi stands a ...

Jaipur is the next proposed site for UNESCO World Heritage recognition

The Walled City of Jaipur, Rajasthan, India” is the next proposed site for UNESCO World Heritage recognition ...

@Powered By: Logicsart