Ad
FreeCurrencyRates.com

इंडियन आवाज़     18 Oct 2018 08:03:23      انڈین آواز
Ad

نواز شریف جیل سے ہسپتال منتقل

NAWAZ , MARYAM

پاکستان کے سابق وزیر اعظم نواز شریف کو ناسازی طبیعت کے باعث اڈیالہ جیل سے اسلام آباد کے پمز ہسپتال منتقل کر دیا گیا ہے۔ قبل ازیں طبی حکام نے کہا تھا کہ نواز شریف کی ’ای سی جی‘ نارمل نہیں تھی، اس لیے انہیں فوری طبی امداد کے لیے ہسپتال داخل کرا دینا چاہیے۔ بدعنوانی کے ایک مقدمے میں نواز شریف کو رواں ماہ ہی نیب کی ایک عدالت نے تیرہ برس کی سزائے قید سنائی تھی۔ تاہم وہ ان الزامات کو سیاسی قرار دیتے ہیں۔

سابق وفاقی خارجہ خواجہ محمد آصف اور سابق وزیر داخلہ احسن اقبال نے کہا ہے کہ نوازشریف کی صحت سے متعلق پارٹی اور عوام میں سخت تشویش پائی جاتی ہے ۔

لاہور میں ن لیگ کی سنٹرل ایگزیکٹو کمیٹی کے اجلاس کے بعد میڈیا سے گفتگو میں خواجہ آصف نے کہا ہے کہ اطلاع ہےکہ نواز شریف کو پمز شفٹ کر دیا گیا ہے، ان کی طبیعت ناساز ہے، جن حالات میں نواز شریف کو رکھا گیا ہے اس پر خدشات بڑھتے جارہے ہیں۔

انہوں نے مزید کہا کہ میاں صاحب کی صحت سے متعلق پارٹی اورعوام میں سخت تشویش پائی جاتی ہے، نواز شریف کی ہارٹ کی 2 سرجریز ہوچکی ہیں، نوازشریف کو ایسے حالات میں نہ رکھا جائے کہ جس میں ان کی صحت بگڑسکتی ہے۔

خواجہ آصف نے یہ بھی کہا کہ 25تاریخ کو جو واقعات ہوئے، متعدد ساتھیوں پر مقدمات درج کیے گئے، سیاسی ورکوں سےدہشت گردی کی دفعات ہٹائی جائیں۔

ان کا مزیدکہناتھاکہ مانسہرہ میں شہادتیں ہوئی ہیں اس پر بھی پارٹی میٹنگ میں تشویش اور احتجاج کیا گیا، الیکشن کے دن ہونے والے واقعات پرجوڈیشل کمیشن کا مطالبہ کرتے ہیں، جو شکایات اور واقعات ہوئے ان کو جوڈیشل کمیشن جانچے، جوڈیشل کمیشن نان پی سی او ججز پر مشتمل بنایا جائے۔

خواجہ آصف نے کہا کہ 25 جولائی کو جوبھی واقعات ہوئےہیں اس پروائٹ پیپر جاری کر رہےہیں۔

احسن اقبال نے کہا ہے 25جولائی کا الیکشن ملکی تاریخ کا متنازع ترین الیکشن ہوا، پاکستان کے اقتصادی مستقبل پر ڈاکا ڈالا گیا ہے، معیشت کی جو بنیاد رکھی تھی اس کے ٹیک آف کا موقع تھا۔

Leave a Reply

Your email address will not be published. Required fields are marked *

Ad
Ad
Ad

MARQUEE

3000-year-old relics found in Saudi Arabia

Jarash, near Abha in saudi Arabia is among the most important archaeological sites in Asir province Excavat ...

Instagram co-founders quit

WEB DESK The 2 co-founders of Instagram have resigned, reportedly over differences in management policy with ...

Ad

@Powered By: Logicsart