عدالتیں مسلمانوں کے اسلامی قوانین سے انحراف کررہی ہیں

آج یہاں اسلامی فقہ اکیڈمی کے زیر اہتمام ’ موجودہ عہد میں اسلامی قانون کی معنویت ‘ کے مو ضوع پر شروع ہوئے دو روزہ سیمنار میں مقررین نے بیک آواز کہا کہ اسلامی قانون میں ہر عہد کی ضرورتوں اور تقاضوں کو پورا کرنے اور انسانی زندگی کے مصالح کو روبہ عمل لانے کی پوری صلاحیت ہے کیونکہ یہ مخلوق کا نہیں؛ بلکہ خالق کا بھیجا ہوا قانون ہے۔

اسلامی فقہ اکیڈمی کا دو روزہ سیمنار
مسلمانوں کو اقدامی رویہ اختیا ر کرنا چاہیئے؛مولاناخا لد سیف اللہ رحمانی
مجموعہ اسلامی قوانین کی نظر ثانی کی جارہی ہے

اسلامک فقہ اکیڈمی کے جنرل سیکر یٹری اور ممتاز عالم دین مولاناخا لد سیف اللہ رحمانی نے اپنے کلیدی خطبہ میں اس بات پر زور دیا کہ ہمیں مدافعانہ نہیں بلکہ اقدامی رویہ اختیا ر کرنا چاہیئے کیونکہ شریعت اسلامی کو جو باتیں انسان کے خود ساختہ قوانین سے ممتاز کرتی ہیں ان میں عدل ، توزان و اعتدال، عقل و مصلحت سے ہم آہنگی ، فطرت انسانی سے مطابقت اور قانون کی تنفیذ یا نفاذ شامل ہیں۔سابق اسپیکر کا ایک قول نقل کرتے ہوئے کہ عدالتیں تشریح قانون کے بجائے وضع قانون میں لگی ہوئی ہیں ، مولانا موصوف نے اشارہ کیا کہ جو کام(یکساں سول کوڈ) پارلیمنٹ سے لیا جانا تھا اب یہ کام در پردہ عدالتوں کے ذریعہ لیا جارہا ہے ۔انہوں نے کہا کہ ہندوستان جیسے کثیر مذہبی اور کثیر تہذیبی ملک میں اسلامی قانون کی تعبیر و تشریح وہ لوگ کررہے ہیں جو اس مذہب سے وابستہ نہیں ہیں نہ اسکے اصل مآخذ سے راست وقف ہیں۔ مولانا نے بتایا کہ مجموعہ اسلامی قوانین کی نظر ثانی کا کام ہورہا ہے اس میں فقہ جعفری ، فقہ شافعی اور سلفی مسلک کو بھی شامل کیا جارہا ہے ۔ یہ سپریم کورٹ کے سابق جج جسٹس سید شاہ محمد قادری کی سربراہی میں انجام دیا جارہا ہے۔ یاد رہے بورڈ کے سابق صدر قاضی مولانا مجاہد الا سلام قاسمی کی حیات میں مسلم پرسنل لاءکا مجموعہ اسلامی قوانین کے نام سے کوڈیفیکشن کیا گیا تھا لیکن اس میں بعض خامیاں رہ گئیں تھیں جن کو دور کیا جارہا ہے۔

آل انڈیا مسلم پرسنل لاءبورڈ کے جنرل سیکریٹری مولانا سید نظام الدین نے نے اپنے افتتاحی خطاب میں کہا کہ اسلامی نظام پہلے افراد تیار کرتا ہے پھر ان پر قوانین کا اطلاق کرتا ہے جبکہ خود ساختہ قوانین بالخصوص مغربی ملکوں کے قوانین کو دیکھا جائے تو وہ اس پر عمل آوری میں ناکام نظر آتے ہیں حالانکہ بڑی بڑی لائبریریاں اس سے بھری ہیں اس کی وجہ یہ ہے کہ وہاں افراد سازی کی طرف کوئی توجہ نہیں دی جاتی ۔ عثمانیہ یونی ورسٹی کے سابق صدر شعبہ قانون پروفیسر(ڈاکٹر) احمد اللہ خان نے اس امر تشویش کا اظہار کیا کہ مسلمان وکلاء ، عدلیہ اور جج صاحبان وغیرہ اسلامی قوانین سے صحیح طور سے واقف نہیں ہیں اس وجہ سے صحیح فیصلے نہیں ہو رہے ہیں۔ انہوں نے اس سلسلہ میں کئی فیصلوں کی مثال پیش کی ۔ چاند پٹیل مقدمہ کا جو فیصلہ 2008میں آیا تھا وہ آنکھیں کھولنے کے کافی ہے ۔ اس شخص نے دو سگی بہنوں سے شادی کی تھی ۔

سیمنار میں اسلامی قانون کے مختلف پہلوو¾ں اور اسکی اہمیت و افادیت پر معتدد وقیع مقالے پیش کئے گئے ان میں مولانا محمد سالم قاسمی ، مولانا اختر امام عادل ، مولانا فضیل الرحمن ہلال عثمانی سابق مفتی پنجاب، ڈاکٹر رضی الاسلام ندوی اور مفتی ارتقاءالحسن کاندھلوی قابل ذکر ہیں ۔ جامعہ ملیہ اسلامیہ کے شعبہ اسلامک اسٹدیذ کے سربراہ پروفیسر اختر الواسع نے کہا یہ سیمنار وقت کی اایک اہم ضرورت ہے اور ایسے سیمنا ر پورے ملک میں ہونے چاہیئے ۔

واضح رہے اسلامک فقہ اکیڈمی نے اپنے قیام (۹۸۹۱ئ) سے لیکر اب تک ۰۲فقہی سمینار منعقد کئے جن میں اسّی (۰۸) سے زائد اہم سماجی،طبی، اقتصادی موضوعات پر بحث کے بعد فیصلے کئے گئے ہیں۔ موجودہ وقت کے پےچےدہ مسائل کا شرعی حل تلاش کرنا، فقہی وتحقےقی کاموں کے لئے نئی نسل کی تربےت اور اہم موضوعات پر لےٹرےچر کی فراہمی ہے، وغیرہ اکیڈمی کے اہم مقاصد میں شامل ہیں چنانچہ اب تک 20فقہی سےمےنار وں مےں 71مرکزی موضوعات پر 150سے زائد نئے مسائل پر غور وفکر کےا گےا اور چھ، سات، مسائل مےں اختلافِ رائے کے ساتھ اور بقےہ مےں اتفاقِ رائے کے ساتھ فےصلے کئے گئے، جس کی تفصےلات منظرِ عام پر آچکی ہےں۔ اکیڈمی کا ایک کارنامہ یہ ہے کہ اس نے مدارس کے فارغین کو نئے اور جدید مسائل پر سوچنے اور رائے قائم کرنےکا موقع عطاکیا ۔