Ad
FreeCurrencyRates.com

इंडियन आवाज़     14 Nov 2018 12:38:26      انڈین آواز
Ad

خودکش حملے اسلامی اصولوں کے منافی ، ستر علماء کا فتویٰ

AMN

پاکستان، افغانستان اور دنیا کے سب سے بڑے مسلم ملک انڈونیشیا کے ستر معتبر علماء نے خودکُش حملوں سمیت پرتشدد انتہاپسندی اور دہشت گردی کو اسلامی اصولوں کے منافی قرار دے دیا ہے۔

افغانستان میں امن اور استحکام کے لیے انڈونیشیا میں ہونے والی مذہبی کانفرنس کے دوران افغان طالبان کو جنگ کے خاتمے کے لیے واضح پیغام دیا گیا ہے۔  پاکستان، افغانستان اور انڈونیشیا کے ستر علماء نے خودکش حملوں کو ناجائز قرار دیتے ہوئے ان کے خلاف فتویٰ جاری کیا ہے۔ دوسری جانب افغان طالبان نے مذہبی رہنماؤں سے انڈونیشیا میں ہونے والی بوگور کانفرنس کا بائیکاٹ کرنے کی اپیل کی تھی۔ افغان علماء کو خبردار کرتے ہوئے ان کا کہنا تھا، ’’افغانستان میں حملہ آور کفار کو اپنا نام استعمال نہ کرنے دیں۔ اور اس کانفرنس میں شرکت کا مطلب ان کے عناد پرستانہ مقاصد کے حصول میں مدد فراہم کرنا ہے۔‘‘

اس ایک روزہ کانفرنس کا افتتاح کرتے ہوئے انڈونیشیا کے صدر جوکو ویدو دو کا کہنا تھا کہ ان کا ملک افغانستان میں امن کے قیام کے لیے پرعزم ہے۔ ان کا مزید کہنا تھا کہ اس کانفرنس کا مقصد افغانستان میں امن کے قیام کے لیے علماء اور مذہبی شخصیات کے کردار میں اضافہ کرنا ہے۔ ان کا کہنا تھا، ’’ خاص طور پر انڈونیشیا، پاکستان اور افغانستان کے علماء کی آواز کے ذریعے بھائی چارے کی فضا کو بہتر بنایا جانا چاہیے تاکہ افغانستان میں امن قائم ہو۔‘‘

انڈونیشیا کے صدر کا کہنا تھا کہ ’’علماء امن کے نمائندے ہیں۔ یہ پرامن معاشرے تشکیل دینے کی طاقت رکھتے ہیں۔‘‘ جاری ہونے والے اعلامیے میں علماء کا کہنا تھا کہ اسلام امن کا مذہب ہے اور دہشت گردی سمیت پرتشدد انتہاپسندی کو مسترد کرتا ہے۔ اس حوالے سے مزید کہا گیا ہے، ’’ہم توثیق کرتے ہیں کہ تشدد اور دہشت گردی کو کسی مذہب، قوم، تہذیب یا نسلی گروپ سے نتھی نہ کیا جائے۔پرتشدد انتہاپسندی اور خودکش حملوں سمیت دہشت گردی کی تمام اقسام اسلام کے مقدس اصولوں کے خلاف ہیں۔‘‘

بوگور کے صدارتی محل میں اس کانفرنس کا انعقاد انڈونیشیا علماء کونسل کی طرف سے کیا گیا تھا۔

Leave a Reply

Your email address will not be published. Required fields are marked *

Ad
Ad
Ad

MARQUEE

US school students discuss ways to gun control

             Students  discuss strategies on legislation, communities, schools, and mental health and ...

3000-year-old relics found in Saudi Arabia

Jarash, near Abha in saudi Arabia is among the most important archaeological sites in Asir province Excavat ...

Ad

@Powered By: Logicsart