FreeCurrencyRates.com

इंडियन आवाज़     23 Mar 2019 06:26:26      انڈین آواز
Ad

تقسیم ملک کے لئے مسلمانوں کو ناحق ذمہ دار ٹھہرایا گیا: حامد انصاری

WATAN MEN GHAIR

 دہلی:

سابق نائب صدر جمہوریہ ہند حامد انصاری نے کا کہنا ہے کہ ملک کی تقسیم کے لئے کسی نہ کسی کو ذمہ دار بنانا تھا لہذا اس کے لئے مسلمانوں کو ذمہ دار بنادیا گیا اور V-P Ansariسب نے اس کو مان بھی لیا۔ مسٹر انصاری نے یہ بات معروف صحافی سعید نقوی کی انگریزی کتاب Being The Other – The Muslim In India کے اردو اور ہندی ترجمے ’’وطن میں غیر: ہندوستانی مسلمان‘‘ کا اجراء کرتے ہوئے کیا۔ انہوں نے کہا کہ موجودہ کتاب کا عنوان تشویش ناک ہے۔ اس تعلق سے تشریح کرتے ہوئے انہوں نے کہا’’غیر‘‘ کا مطلب سمجھنے کے لئے 1947 میں واپس جائیں جہاں سے اس کی ابتدا ہوتی ہے۔ اس وقت دروغ گوئی کی گئی کہ تقسیم کس نے کرائی۔ کچھ کہتے ہیں کہ پاکستان نے کرائی، انگریزوں نے کرائی لیکن ہم ماننے کو تیارنہیں ہیں کہ ہم نے بھی کرائی۔پٹیل نے آزادی سے چار روز پہلے تقریر کی کہ وہ تقسیم کے لئے راضی ہوگئے تھے جس میں انہوں نے کہا کہ ’’ہندوستان کو متحد رکھنے کے لئے اس کی تقسیم ضروری ہے‘‘۔یہ حقیقت ہے لیکن کسی کو ذمہ دار بنانا تھا تو مسلمانوں کو بنادیا گیا اور سب نے اس کو مان بھی لیا۔سابق نائب صدر نے کہا کہ ملک میں دستور کے مطابق 22زبانیں اور سروے کے مطابق221زبانیں ہیں لیکن اس لسٹ میں سے ایک زبان غائب ہے جس کا نام ہندوستانی ہے اور اس کا ذکر آئین میں ہے۔ ڈاکٹر راجندر پرشاد کی کانسٹی ٹیونٹ اسمبلی میں پہلی تقریر کی زبان ’’ہندوستانی‘‘ درج ہے۔ حامد انصاری نے کہا کہ 28اگست1947 کو کانسٹی ٹیونٹ اسمبلی میں شیڈولڈ کاسٹ کو ہندو دھرم کا حصہ مان لیا گیا اور مسلمانوں کو اقلیت بنادیا گیا۔حسرت موہانی کھڑے ہوگئے اور کہا کہ میں نہیں مانتا کہ میں اقلیت ہوں۔ حامد انصاری نے کہا کہ آئین کے مبادی پر22 نومبر 1949 کو گفتگو ہورہی تھی تو اجیت پرشاد جین(کانگریس) نے کہا: ’’پاکستان کے پیدا ہوجانے کی وجہ سے اب ہم کو آئین بنانے میں آسانی ہورہی ہے‘‘۔یوں لفظ مائنارٹی (اقلیت) ایجاد ہوگیا اور تخصیص بھی ہوگئی کہ اقلیت کون ہے۔ حامد انصاری نے مزید کہا کہ آباد ی کی مردم شماری (census) کے مطابق ملک میں20 فیصد مذہبی اقلیتیں ہیں اور ان میں سے 14 فیصد مسلمان ہیں، یوں ہر ساتواں ہندوستانی مسلمان ہے۔انہوں نے کہا کہ کیا اتنی بڑی تعد اد کو ’’غیر‘‘ بنایا جاسکتا ہے اور اگر بنا دیا گیا تو اس کے نتائج کیا ہوں گے؟اس موقع پر کتاب کے ناشراور دہلی اقلیتی کمیشن کے چےئرمین ڈاکٹر ظفرالاسلام خان نے شرکاء کا استقبال کرتے ہوئے کہا کہ انگریزوں نے 1857کے بعد سے ’’پھوٹ ڈالو اور حکومت کرو‘‘ کی پالیسی نافذ کرکے ہندؤوں اور مسلمانوں کو ایک دوسرے کے خلاف بد ظن کرنے کا جو کام شروع کیا تھا، اسے بعد میں خود ہمارے درمیان ہی کچھ لوگ اور تنظیمیں کرنے لگیں اور اس کا ان کو خوب سیاسی فائدہ بھی ملا اور اب یہ ہماری سیاست کا حصہ بن چکا ہے۔یہ کتاب اسی کسک کے بارے میں مصنف کی آپ بیتی بھی ہے اور آزادی سے لیکر اب تک ملک کی کہانی بھی۔سعید نقوی نے کتاب اور اپنی سرگزشت کا ذکر کرتے ہوئے کہا کہ حالانکہ انہوں نے ذاتی طور سے بہت کامیاب زندگی گزاری لیکن عملی زندگی میں قدم رکھتے ہی ایسے واقعات پیش آئے جو تشویش کا باعث تھے۔ مثلاً1960 میں جب وہ دہلی میں انڈین ایکسپریس میں کام کرنے آئے تو انہیں گھر نہیں مل رہا تھا تو کلدیپ نیر نے کہا کہ ایسے کیسے ہوگا اور انہوں نے مدد کرکے گھر دلایا۔ لیکن گھر نہ دینے والوں اور گھر دلانے پر بضد لوگوں کے درمیان تناسب مسلسل کم ہوتا چلا گیا جو بتا رہا تھا کہ مسلمانوں کو دھیرے دھیرے اپنے ہی وطن میں ’’غیر‘‘ بنایا جارہا تھا۔مصنف نے کہا کہ1980سے حالات مزید خراب ہونا شروع ہوئے۔پچھلے ستر سالوں میں اب ہم یہاں تک پہنچے ہیں کہ ’’غیر‘‘ بنانے کا عمل کافی حد تک کامیاب ہو گیا ہے۔ انہوں نے کہا کہ ہندوستانی مسلمان ایک ٹرائنگل (مثلث) میں پھنسے ہوئے ہیں۔ اور وہ ہے ہندو مسلم، ہندوستان پاکستان اور کشمیر کا مثلث۔ ان تینوں کو حل کئے بغیر مثلث کا مسئلہ حل نہیں ہوگا۔پاکستان سے اگر صلح ہوجائے تو ہندو ایشو ختم ہوجائے گا اور بہت سے لوگ یہ نہیں چاہتے ہیں۔لیکن بہر حال مثلث کو حل کئے بغیر ہندوستانی مسلمانوں کا مسئلہ بھی حل نہیں ہوسکتا ہے۔

معروف ہندی صحافی اوم تھانوی نے اظہار خیال کرتے ہوئے کہا کہ کتاب میں کوئی ڈراؤنی بات نہیں ہے لیکن اس میں ایک ٹیس ضرور ہے۔ یہ خود نوشت کے ساتھ ملک تاریخ بھی ہے۔ ملک میں اور بھی سماج ہیں جن کو اجنبی بنا دیا گیا ہے۔ اس زمانے میں بہت سے لوگوں نے اپنی سوانح عمریاں لکھی ہیں جن میں زیادہ تر اپنے بارے میں بات ہوتی ہے لیکن یہ کتاب اس سے مختلف ہے۔ انہوں نے مزید کہا کہ اردو کے خلاف زہر سو سال سے پھیلایا جارہا ہے۔ سماجوں میں جو بھید بھاؤ ہے، اسے زبان میں بھی داخل کردیا گیا ہے۔انہوں نے کچھ ایسے الفاظ کا بھی ذکر کیا جو سنسکرت اور عربی فارسی ملا کر بنائے گئے ہیں جیسے ہنسی مذاق، شادی بیاہ وغیرہ۔

اردو کے معروف صحافی سہیل انجم نے اس موقع پر کہا کہ خود نوشت کے ساتھ ملک کے حالات کو مصنف نے اچھی طرح سے جوڑاہے۔ اور تقریباً تمام بڑے مسائل کا احاطہ کرلیا ہے جن میں اکثر سے مصنف کی ذاتی واقفیت ہے۔ انڈین اکسپریس کے اسو سی ایٹ ایڈیٹرامرت لال نے کہا کہ کتاب شمالی ہندوستان کے تناظر میں لکھی گئی ہے جبکہ کیرالا اور بالعموم جنوبی ہند میں ایسے مسائل نہیں ہیں حالانکہ وہاں برصغیر میں سب سے پہلے اسلام آیا اور ملک کی قدیم ترین مسجد وہیں ہے۔ تقسیم کے حالات کا بھی جنوبی ہند پر کوئی خاص اثر نہیں ہوا اور اس کی وجہ سے وہاں بھائی چارہ قائم ہے یہانتک کہ وہاں اب بھی مسلم لیگ قائم ہے ۔

پروگرام میں بڑی تعداد میں دہلی کے دانشور اور صحافی شریک ہوئے جن میں ایس وائی قریشی سابق چیف الیکشن کمشنر، عبدالخالق جنرل سکریٹری لوک جن شکتی پارٹی، شاہد مہدی سابق وائس چانسلر جامعہ ملیہ اسلامیہ، مفتی عطاء الرحمٰن قاسمی، معروف وکیل محمود پراچہ وغیرہ شامل تھے۔

Leave a Reply

Your email address will not be published. Required fields are marked *

Ad

POLITICS

Congress demands Lokpal probe into BJP’s ‘Yeddyurappa Diaries’

BJP dismisses Congress allegations over reported payoffs to its top leaders   Agencies / New Delhi ...

BJP Releases First List: PM Modi to Contest from Varanasi, Amit Shah Gets Advani’s Seat

BJP Releases First List: PM Modi to Contest from Varanasi, Amit Shah Gets Advani's Seat   File ph ...

Cong will not allow Citizenship Amendment Bill in Parliament: Rahul

AMN Congress President Rahul Gandhi has assured the people of the northeast region that the party will not al ...

SPORTS

Prajnesh makes it to Miami Masters main draw

India's number one singles player, Prajnesh Gunneswaran, has made it to the main draw of the Miami Open, his s ...

Mandhana, Jhulan at top of ICC Women’s ODI Rankings

Indian duo of Smriti Mandhana and Jhulan Goswami continue to top the batting and bowling charts in the latest ...

India crash out of Asia Mixed Team Badminton Championships

India crashed out of the Asia Mixed Team Badminton Championships at Hong Kong after losing 2-3 to Chinese Taip ...

Ad

MARQUEE

116-year-old Japanese woman is oldest person in world

  AMN A 116-year-old Japanese woman has been honoured as the world's oldest living person by Guinness ...

Centre approves Metro Rail Project for City of Taj Mahal, Agra

6 Elevated and 7 Underground Stations along 14 KmTaj East Gate corridor 14 Stations all elevated along 15.40 ...

CINEMA /TV/ ART

Priyanka Chopra is among world powerful women

AGENCIES   Bollywood actress Priyanka Chopra Jonas has joined international celebrities including Opr ...

Documentary on Menstruation stigma ‘Period’ wins Oscar

  WEB DESK A Netflix documentary Period. End of sentence, on the menstruation taboo in rural India has ...

Ad

@Powered By: Logicsart