FreeCurrencyRates.com

इंडियन आवाज़     20 Feb 2018 02:42:51      انڈین آواز
Ad

بے نظیر بھٹو قتل کیس: سابق صدر مشرف اشتہاری قرار، 5 ملزمان بری، 2 کو سزا

benazir

پاکستان میں انسداد دہشت گردی کی ایک عدالت نے سابق وزیر اعظم بے نظیر بھٹو کے قتل کیس کا فیصلہ سنا دیا ہے جسمیں سابق صدر پرویز مشرف کو اشتہاری قرار دیتے ہوئے ان کی جائیداد کی قرقی کا حکم سنایا ہے۔ ۔فیصلے میں سابق سی پی او راولپنڈی سعود عزیز اور ایس پی راول ٹاؤن خرم شہزاد کو سترہ ، سترہ سال قید کی سزاسنائی گئی ہے ، اڈیالا جیل میں قید پانچوں ملزمان رفاقت ، حسنین ، رشید احمد ، شیر زمان اور اعتزاز شاہ کو بری کر دیا گیا ہے .

انسداد دہشت گردی کی خصوصی عدالت نمبر ایک راولپنڈی کے جج محمد اصغر خان نے گزشتہ روز بینظیر بھٹو قتل کیس کی سماعت مکمل ہونے کے بعد فیصلہ محفوظ کرلیا تھا جو آج اڈیالہ جیل میں سنایا گیا۔ کیس میں 8 چالان پیش کئے گئے، 300سے زائد سماعتیں ہوئیں ، 7 جج تبدیل ہوئے ،7ملزمان مارے گئے اور 5 گرفتار ہیں۔ مجموعی طور پر کیس کی سماعت میں 10سال لگے۔
سعود عزیز اور خرم شہزاد کو احاطہ عدالت سے گرفتار کر لیا گیا۔ دونوں مجرمان کو 5 ، 5 لاکھ روپے جرمانے کا بھی حکم دیا ہے۔ سعود عزیز بےنظیر کے قتل کے وقت سی پی او راولپنڈی تھے۔
واضح رہے کہ راولپنڈی کی انسداد دہشت گردی کی عدالت نے گزشتہ روز کیس کی سماعت کے دوران وکلا کے دلائل مکمل ہونے پر کیس کا فیصلہ محفوظ کرلیا تھا۔
مجموعی طور پر عدالت نے 10 سال بعد سماعت مکمل کی۔ فیصلہ محفوظ ہونے کے بعد وفاقی تحقیقاتی ادارے (ایف آئی اے) کے پراسیکیوٹر چوہدری اظہر کا میڈیا سے بات کرتے ہوئے کہنا تھا کہ ہر ملزم کے خلاف مضبوط اور ٹھوس شہادتیں ہیں جبکہ سابق سی سی پی او سعود عزیز سہولت کار ہیں جنہوں نے بے نظیر بھٹو کو سیکیورٹی نہیں دی۔
چوہدری اظہر کے مطابق سابق وزیراعظم کے مقدمہ قتل کے 121 گواہان تھے جن میں سے صرف 68 کے بیانات ریکارڈ کئے گئے جبکہ بے نظیر بھٹو کے ڈرائیور عبدالرحمٰن کے علاوہ سب سے تفتیش کی گئی۔
خیال رہے کہ 27 دسمبر2007ء کو لیاقت باغ میں انتخابی جلسے کے بعد روانگی پر لیاقت باغ چوک میں خود کش حملے کے نتیجے میں بے نظیر بھٹو شہید ہوگئی تھیں جبکہ سانحہ کا مقدمہ تھانہ سٹی پولیس میں درج کیا گیا تھا۔
اس وقت کے صدر مملکت پرویز مشرف پر الزام ہے کہ انہوں نے بے نظیر بھٹو کو مکمل سیکورٹی فراہم نہیں کی جبکہ عدالت انہیں مقدمے میں اشتہاری قرار دے چکی ہے۔

Follow and like us:
20

Leave a Reply

You have to agree to the comment policy.

Ad

SPORTS

India beat S. Africa by 28 runs in 1st T20I

Johannesburg India beat South Africa by 28 runs in the first Twenty-20 International (T20I) at the New Wander ...

Women’s T20: South Africa beat India by five wickets

South Africa beat India by five wickets in the third Women’s T20 Cricket International encounter in Johannes ...

Ad
Ad
Ad
Ad

Archive

February 2018
M T W T F S S
« Jan    
 1234
567891011
12131415161718
19202122232425
262728  

OPEN HOUSE

Mallya case: India gives fresh set of documents to UK

AMN India has given a fresh set of papers to the UK in the extradition case of businessman Vijay Mallya. Ex ...

@Powered By: Logicsart

Help us, spread the word about INDIAN AWAAZ