FreeCurrencyRates.com

इंडियन आवाज़     15 Dec 2018 05:06:16      انڈین آواز
Ad

اقلیتی کمیشن کا زی نیوز کو نوٹس

Zee Talibani Burqa

نئی دہلی:

پچھلی ۲۸ مئی کو کیرانہ میں ضمنی انتخابات کے دوران عین ووٹنگ کے دن زی نیوز نے کیرانہ سے برقعہ پوش مسلم عورتوں کی تصویریں دکھا کر سنسنی خیز طریقے سے برقعوں کو ’’طالبانی ‘‘بتایا تھا اور دعویٰ کیا تھا کہ ’’دھیرے دھیرے بھارت کے مسلمانوں کو کٹر بنایا جارہا ہے‘‘۔سدھیر چودھری کی اینکر کی ہوئی اس رپورٹ میں بوڑھی برقعہ پوش مسلم عورتوں کوبار بار دکھا کر ان کے برقع کو ’’طالبانی برقعہ ‘‘ کہا گیا اور دعوی کیا گیا کہ علاقے کے مسلمان وہابیت سے متاثر ہیں اور وہاں کے مسلمان طالبان کے نظریے والے اسلام کی تبلیغ کررہے ہیں۔ بار بار برقعہ پوش عورتوں کو دکھا کر بتایا گیا کہ ’’بھارت میں طالبانی سوچ درانداز کررہی ہے‘‘، ’’طالبانی برقعہ کا تاریخی ڈی این اے ٹسٹ‘‘ ، ’’دیکھئے ! کیرانہ میں طالبانی برقع کا کیا کام؟‘‘ ۔

اس سنسنی خیز رپورٹ کے ساتھ ساتھ مذکورہ چینل کی ویب سائٹ پراسی دن ایک مضمون بھی شائع ہوا جس کا عنوان ہے: ’’دھیرے دھیرے بھارت کے مسلمانوں کو کٹر بنایا جارہا ہے‘‘۔ اس مضمون میں کہا گیا کہ ’’ ہندوستانی مسلمانوں کو طالبانی بنایا جارہا ہے اور یہ کڑوا سچ ہے‘‘، ’’یہ ہندوستانی مسلمانوں کے ڈی این اے کو بدلنے کی کوشش ہے‘‘، ’’کیرانہ کے مسلمان فرقہ پرستی اور مذہب پر مبنی سیاست کی لیباریٹری بن گئے ہیں‘‘، ’’طالبانی سوچ افغانستان سے نکل کر پاکستان ہوتے ہوئے ہندوستان میں گھس پیٹھ کرچکی ہے‘‘۔

واضح طریقے سے یہ سب ہندوستانی مسلمانوں کو بدنام کرنے ، ان کے خلاف نفرت پھیلانے اور ایک ایسی کہانی کے ایجاد کرنے کی کوشش تھی جس کی کوئی اصل نہیں ہے ۔اس قسم کی رپورٹنگ تعزیرات ہند کی دفعہ۲۹۵؍ اے (کسی قوم کے مذہبی اعتقادات کی اہانت کرکے اس کے خلاف نفرت پھیلانا) اور دفعہ ۵۰۵ (افواہیں پھیلانا)کے تحت قابل گرفت ہے۔ اسی طرح عین الیکشن کے دن چلایا جانے والا یہ پروگرام تعزیرات ہند کی دفعہ ۱۷۱ ؍سی کے تحت بھی قابل گرفت ہے کیونکہ اس کا مقصد ووٹروں کی قطب بندی اور ان کوفرقہ وارانہ بنیادوں پر متاثر کرنا ہے۔

دہلی اقلیتی کمیشن نے اس سلسلے میں زی نیوز کے مینیجنگ ڈائرکٹر کو نوٹس جاری کرکے ہدایت دی ہے کہ دستاویزی ثبوت کے ساتھ جواب دیں کہ کیسے کیرانہ کی عورتیں طالبانی ہوچکی ہیں، کب اور کیسے طالبانی سوچ کیرانہ پہنچی، کیا کیرانہ کی معمر عورتوں کا برقعہ وہی نہیں ہے جو علاقے کی عورتیں صدیوں سے پہنتی آ رہی ہیں اور کیا براڈ کاسٹ کی جانے والی یہ رپورٹ ووٹروں کو متاثر کرنے اور ان کی قطب بندی کی کوشش نہیں تھی۔ اگر زی نیوز کے مینجنگ ڈائرکٹر ان باتوں کا ثبوت کے ساتھ جواب نہ دے سکیں تو لکھ کر غیر مشروط معافی مانگیں اور بتائیں کہ رپورٹ کی رپورٹنگ کرنے والے اور اس کو لکھنے والے اسٹاف کے خلاف کیا کارروائی کی گئی کیونکہ انہوں نے ہندوستانی شہریوں کے خلاف نفرت پھیلانے کا کام کیا اور فرقہ پرست اور مذہبی بنیادوں پر ان کو بدنام کیا۔ زی نیوز کو یہ تعہد بھی داخل کرناہے کہ مستقبل میں وہ اس طرح کی رپورٹوں کو نشر کرنے سے احتراز کرنے گا۔ نوٹس کا مثبت جواب نہ دینے کی صورت میں اقلیتی کمیشن مذکورہ چینل کے خلاف کارروائی کرے گا۔ چینل کو جواب دینے کے لئے دو ہفتے کا وقت دیا گیا ہے۔

اسی کے ساتھ صدر اقلیتی کمیشن ڈاکٹر ظفرالاسلام خان الیکشن کمیشن اور نیوز براڈکاسٹنگ اسٹینڈرڈز اتھارٹی کو بھی خط لکھ کر مذکورہ چینل کے خلاف ایکشن لینے کے لئے لکھ رہے ہیں۔

Leave a Reply

Your email address will not be published. Required fields are marked *

Ad
Ad

SPORTS

Saina Nehwal ties the knot with Parupalli Kashyap

SAINA INSTAGRAM WEB DESK India's Ace shuttler Saina Nehwal gave surprise to her fans as she posted a photogr ...

Australia chase history, Dutch thirsting for a revenge in Hockey World Cup

Harpal Singh Bedi/ Bhubaneswar As three-time champion Australia takes on the Netherlands in the semi-finals o ...

Hockey World Cup: India loose to Netherlands 2-1 in quarter final

India fails to break the jinx, goes down 1-2,  out of World Cup Hockey India Harpal Singh Bedi / Bhuban ...

Ad

MARQUEE

Major buildings in India go blue as part of UNICEF’s campaign on World Children’s Day

Our Correspondent / New Delhi Several monuments across India turned blue today Nov 20 – the World Children ...

US school students discuss ways to gun control

             Students  discuss strategies on legislation, communities, schools, and mental health and ...

CINEMA /TV/ ART

Malayalam, Ladakhi films win big at IFFI

By Utpal Borpujari / Panaji (Goa) Indian cinema scored big at the 49th International Film Festival of India ( ...

Bollywood playback singer Mohammad Aziz passes away

WEB DESK Well known Bollywood playback singer Mohammad Aziz passed away in Mumbai today. He was 64. The singe ...

Ad

@Powered By: Logicsart